Naluyagan Ini sang Isa ka Katoliko

Nakupusan sing goma ang isa sang mga Saksi ni Jehova sa isa ka uma nga bahin sang Virginia, E.U.A. May balay sa malapit, kag nanuktok sia sa puertahan. Ginpasulod sia sang tagbalay nga babayi agod magtawag para sa serbisyo sa dalanon. Sang ulihi nagpadala ang Saksi sing sulat sa pagpasalamat, kag naglakip sia sing regalo nga kopya sang libro nga Mahimu Ka Mabuhi sing Dayon sa Paraiso sa Duta. Ang masunod, sa bahin, amo ang sabat nga iya nabaton:

“Dapat ako mangin tampad kag bunayag sa imo. Isa ako ka Romano Katoliko. Kag kada may magkadto sa akon puertahan nga may Lalantawan ukon bisan ano nga ­tract, wala ko sila ginabaton. Kon ginapilit nila ini sa akon, ginahaboy ko sila sa basurahan. Tudok gid ang akon pagka-Katoliko sugod sang bata pa ako.

“Apang, naganyat ako sa imo libro bangod may ‘Paraiso’ ini sa titulo kag bangod maathag kag mahapos ini basahon. Ang mga pamangkot sa ubos sang mga pahina nagpalig-on sang pagbasa, kag ang mga laragway makagalanyat gid para sa akon. Naluyagan ko gid labi na ang pahina 11 bangod nagatinguha ako sa pagtuga sina nga paraiso diri para sa mga pispis kag mga sapat. May yara ako mga usa, koneho, chip­munk, squir­rel, ilahas nga pabo kag tanan nga sahi sang pispis. . . .

“May nahimo gid ikaw sa pagganyat sa isa ka Katoliko nga basahon ang libro sang lain nga relihion. Ha! Daw indi ako makombertir sang iban nga relihion. Apang ginbasa ko ang libro, kag ginabasa ini karon sang akon bana. Salamat liwat!”

Ining matahom nga publikasyon may 256 ka pahina, nga ang kadakuon subong kadaku sining magasin, kag puno sing kapin sa 150 ka ilustrasyon, ang kalabanan sa matahom nga duag. Magpadala lamang sing ₱17.50, ukon ₱35.00 para sa daku nga edisyon sa Ingles nga hambal.

Palihog ipadala, nga nabayaran na ang selyo, ang libro nga Mahimu Ka Mabuhi sing Dayon sa Paraiso sa Duta. Ipakita sa mga kahon kon bala ang luyag mo daku nga edisyon (Ingles lamang) sa ₱35.00 [ ] ukon ang gamay nga edisyon sa ₱17.50 [ ] kag ilakip ang nagakaigo nga kantidad.