“Yadto Didto ang Dios nga Madugay Ko Na Ginapangita”

Sa diin? Ano ang ginapatuhuyan niya?

Nagabalik ang sugilanon sang ginregalo ang libro nga Life​—⁠How Did It Get Here? By Evolution or by Creation? Ining libro ginhatag sa isa ka retirado nga manuglektyur sa arkeolohiya nga nagaistar sa Espanya. Sang ulihi, sang nagduaw sa Espanya ang tawo nga naghatag sang regalo, ining retirado nga manuglektyur nagsiling: “Huo gali, Edwin, salamat gid sa pagpadala mo sadto nga libro. Ginbasa ko ini apang ginhatag ko ini sang ulihi sa isa ka pamatan-on nga Espanyol.”

Ang pamatan-on nga Espanyol durugista, nga may bungot kag malaba nga buhok. Apang, sang nabaton niya ang libro, may yara talalupangdon nga pagbalhin sa pamatan-on. Ginbarbas niya ang iya bungot, ginguntingan ang iya buhok, kag nag-untat sa paggamit sang droga. Sang mabalitaan ini, nalangkag si Edwin nga makilala sia.

Sang nagkit-anay sila kag sang nahibaluan sang pamatan-on kon diin naghalin ang libro, ginhakus niya si Edwin kag nagsiling: “Ginpangita ko ang Dios sa sulod sang lima ka tuig, kag sang ginbuksan ko yadto nga libro, yadto didto ang Dios nga madugay ko na ginapangita.” Ang pamatan-on nag-uswag tubtob sa punto nga ginpaambit niya ang iya bag-ong natukiban nga pagtuo sa iban.

Sa banta namon makabenepisyo man kamo gikan sa sining matahom nga libro nga nag-apektar sing mapuslanon gid sa kabuhi sang katawhan. Mabaton ninyo ang isa ka kopya sining ginpanalawsaw sing maayo nga publikasyon paagi sa pagsulat kag pagpadala sang kupon sa ubos lakip ang ₱42 lamang.

Palihog padalhi ako, nga nabayaran na ang selyo, sang matig-a sing hapin, 256 ka pahina nga libro Life​—⁠How Did It Get Here? By Evolution or by Creation? Naglakip ako sing ₱42.