TULUN-AN NGA EDISYON

TULUN-AN NGA MGA ARTIKULO

▪ Ang mga Nagahigugma kay Jehova Wala sing Kahigayunan sa Pagkasandad

Ang tanan nga Cristiano nagadalagan para sa padya nga kabuhi nga walay katapusan. Pero bangod sang napanubli nga sala, nagakasandad kita tanan. Buligan kita sini nga artikulo nga mahibaluan ang lima ka kasandaran kag kon ano ang himuon para indi ini makabalabag sa aton pagdaug.

▪ May Tagipusuon Ka Bala sa Pagkilala kay Jehova?

Ang tulun-an sang Jeremias madamo sing ginasugid sa aton parte sa tagipusuon. Ini nga artikulo magabulig sa aton nga mahangpan kon ano ang “dicircuncidado sa tagiposoon” kag kon paano ini mahimo makahalit bisan sa mga Cristiano. Subong man, ipakita sini kon paano matigayon ang “tagiposoon sa pagkilala” kay Jehova.—Jer. 9:26; 24:7.

▪ “Karon nga Kilala Na Ninyo ang Dios”—Ano Na ang Inyo Ginahimo?

Ano ang mga tikang sa pagkilala sa Dios kag para makilala niya? Paano ang pagtubo subong Cristiano nagapadayon sa tapos malab-ot sang isa ang espirituwal nga pagkahamtong, kag ngaa? Sabton sini nga artikulo ini nga mga pamangkot.

▪ Si Jehova—Ang Aton Puluy-an

Nagakabuhi kita sa kalibutan nga nagabalewala sa espirituwal nga mga butang, pero indi kita dapat mahadlok. Ipakita sini nga artikulo kon paano nga yara kita sa pinakamalig-on nga puluy-an—si Jehova nga aton Dios.

▪ Padunggi ang Daku nga Ngalan ni Jehova

Ano ang buot silingon nga mangin bahin sang katawhan nga ginatawag sa ngalan sang Dios? Ano ang kahulugan sang paglakat sa sina nga ngalan? Kag ano ang pagtamod sang Dios sa mga wala nagatahod sa iya ngalan? Pagasabton ini sa sini nga artikulo.