Mga Miting sa Serbisyo Para sa Oktubre
Semana sang Oktubre 3-9
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian.
17 min: “Karon Na ang Tion.” Pamangkot kag sabat. Ilakip ang mga komento sa subtitulo nga “Magtigayon sang Espirituwal nga mga Tulumuron” sa pahina 5 sang Enero 1994 sang Ang Aton Ministeryo sa Ginharian.
18 min: “Mangin Mahunahunaon sa Magasin sa Oktubre.” Hambali upod sa tumalambong. Magtigayon sing duha ka nahandaan sing maayo nga demonstrasyon nga nagapakita kon paano gamiton ang mga magasin sa pagsugod sing mga paghambalanay. Ipadaku ang importansia sang pagtanyag sing mga magasin sa tagsa ka ganhaan sa tuyo nga makatigayon sang mga suskripsion.
Ambahanon 212 kag nagatakop nga pangamuyo.
Semana sang Oktubre 10-16
10 min: Lokal nga mga pahibalo. Report sa kuwenta kag pasalamat sa mga donasyon.
20 min: “Mga Ginikanan—Mangin Masinakdagon!” Pamulongpulong sang isa ka gulang pasad sa una nga tatlo ka artikulo sa Agosto 8, 1994 nga Magmata! Maghimo sing lokal nga aplikasyon sang materyal. Interbyuha sing malip-ot ang isa ka ginikanan nga may eksperiensia sa pagpakigsugilanon sa mga manunudlo ukon mga opisyal sang eskwelahan.
15 min: “Maauxiliary Payunir Ka Bala sa Nobiembre ukon sa Disiembre?” Pamangkot kag sabat. Interbyuha ang pila nga nag-auxiliary payunir sang nagligad ukon yadtong pat-od nga magapayunir sa Nobiembre ukon Disiembre.
Ambahanon 108 kag nagatakop nga pangamuyo.
Semana sang Oktubre 17-23
10 min: Lokal nga mga Pahibalo. Teokratiko nga mga Balita.
15 min: Indi Kita Magdulog sa Paghimo Kon Ano ang Maayo. Pamulongpulong sang isa ka gulang. Ang espirituwal nga kalapyo mahimo makabuhin sang aton kalipay kag kakugi sa pag-alagad kay Jehova. Repasuha ang pila ka paagi sa pagbag-o sang aton espirituwal nga kusog nga nagagamit sang mga panugda nga ginatanyag sa Enero 15, 1986, nga Lalantawan, pahina 19 (kahon).
20 min: “Buligi sing Mahigugmaon Yadtong Nagapakita sang Interes.” Hambali upod sa mga tumalambong. Maghimos sing duha ka pasundayag nga nagagamit sang ginpanugda nga mga presentasyon.
Ambahanon 156 kag nagatakop nga pangamuyo.
Semana sang Oktubre 24-30
12 min: Lokal nga mga pahibalo. Binagbinaga ang artikulo “Pagatun-an Naton Liwat ang Revelation nga Libro.”
15 min: May Yara Ka Bala sing Regular nga Order? Ang Lalantawan kag Magmata! nga mga magasin daku nga mga bulig sa pagpalapnag sang mensahe sang Ginharian. Dapat naton itanyag ini sa tagsa ka kahigayunan. Ginrekomendar sang Mayo 1984 sang Ang Aton Ministeryo sa Ginharian nga ang tagsa ka manugbantala dapat may yara “isa ka pat-od nga order sing magasin. . . para sa isa ka pat-od nga kadamuon sang kopya sang tagsa ka isyu.” Kon indi, masapwan naton nga wala kita sang bag-o nga mga isyu nga matanyag. Maayo para sa tagsa ka katapo sang pamilya nga magtigayon sing isa ka regular nga order. Ihatag ang order sa magazine counter. Pat-ura nga kuhaon ini kada semana.
18 min: “Pangitaa Anay ang Ginharian sang Dios—Paagi sa Pirme nga Pagdulot sang mga Halad sang Pagdayaw.” Pamangkot kag Sabat. Sambita ang pila ka mapuslanon nga mga tulumuron nga mahimo naton pangabudlayan sing personal.
Ambahanon 171 kag nagatakop nga pangamuyo.
Semana sang Okt. 31–Nob. 6
12 min: Lokal nga mga pahibalo. Pahanumduma ang tanan tuhoy sa pagpalig-on nga mag-auxiliary payunir sa Nobiembre kag Disiembre. Maghatag sang pila ka panugda kon paano kita makakita sang nagakaigo nga panahon sa paghimo sini.
15 min: Lokal nga mga kinahanglanon. Ukon ang isa ka gulang magapamulongpulong sa artikulo “Makapailob ka Bala?” sa Mayo 15, 1994, nga Lalantawan, pahina 21-3.
18 min: Itanyag ang New World Translation sa Nobiembre. Sanglit madamo nga tawo ang may Biblia na, kinahanglan naton ipakita kon ngaa mas maayo ang New World Translation. Tan-awa ang libro nga “All Scripture Is Inspired of God and Beneficial” (pahina 327-8, par. 1-6). Ipaathag kon ngaa ginagamit ang ngalan nga Jehova, kag maghatag sing pila ka halimbawa nga nagapakita sang mga bentaha sang paggamit sang moderno nga hambal. Ipatalupangod ang “Bible Words Indexed” sa likod sang Biblia nga sarang magamit sa madasig nga pagpangita sang pamilyar nga mga teksto. Ginapakita sang “Table of the Books of the Bible” kon sin-o ang nagsulat sang tagsa ka libro kag kon san-o kag kon diin ini ginsulat. Tan-awa ang Reasoning nga libro, pahina 59, sa subtitulo nga “Bible prophecy explains the meaning of world conditions,” kag ipaathag kon paano ka makasugod sang paghambalanay pasad sa Juan 17:3 kag Salmo 37:10, 11, 29. Ipapasundayag sa isa ka sangkol nga manugbantala kon paano itanyag ang New World Translation kag ang The Bible—God’s Word or Man’s sa lokal nga teritoryo.
Ambahanon 136 kag nagatakop nga pangamuyo.