Pamangkot
◼ Anong pangandam ang kinahanglanon kon nagapangabudlay kita sa makatalagam nga teritoryo?
1 Dugang kag dugang kita nga makabati sing mga report tuhoy sa kasingki, hold-ap, kag magarot nga mga pagsinalayo, ilabi na sa mga siudad. Bisan pa nagakabalaka kita, nakahibalo kita nga: bisan sa magamo nga mga lugar, may sinsero nga mga tawo nga nagapamati sa mensahe sang Ginharian. Gani dapat kita magmaisog, nagasalig sa pagbantay ni Jehova.—Hulu. 29:25; 1 Tes. 2:2.
2 Kon nagakadto kita sa makatalagam nga lugar, si Jehova nagapaabot sa aton nga mangin mainandamon kag magagamit sing maayo nga desisyon. Mangin alisto. “Ang mahalungon nga tawo nakakita sang malaut kag nagapanago sia, apang ang indi eksperiensiado nagapadayon kag nagaantos tungod sini.” (Hulu. 22:3) Ginaapresyar sang eksperiensiado nga mga manugbantala ang kaalam sang pagpangabudlay sing paris-paris ukon bisan sing grupo-grupo sang pila ka manugbantala, kon kinahanglanon. (Manugw. 4:9, 12) Ang mga kriminal masunson nagapangita sadtong nagaisahanon kag sa amo mas madali biktimahon.
3 Magpangandam sa pagbaton sa imbitasyon nga magsulod sa balay ukon apartment. Indi makigbais sa sadtong daw makatalagam ukon mapinamatukon. Magpakilala sa gilayon subong isa sang mga Saksi ni Jehova. Ang iban nga mga manugbantala pirme nagauyat sing Biblia ukon Lalantawan ukon Magmata! subong identipikasyon.
4 Magbantay sa mga indibiduwal nga nagapanipudnipod sa lugar. Indi magsuksok sing malahalon nga alahas. Kon kinahanglan nga magguwa ikaw sa gab-i, maglikaw sa paglakat sa madulom nga mga kalye diin diutay lamang ang mga tawo. Kon ginakawatan, indi magbatu kon kuwarta ukon pagkabutang lamang nimo ang luyag nila; ang imo kabuhi mas bilidhon sangsa bisan anong materyal nga butang nga imo ginapanag-iyahan.—Mar. 8:36.
5 Ang mga utod nga lalaki nga nagapanguna kinahanglan mangin alisto, ginabantayan ang mga manugbantala sa teritoryo. Labing maayo nga tingubon ang grupo sa isa ka lugar agod yara pirme sa malapit ang iban. Kon may kagamo sa palibot, dapat gilayon bayaan sang grupo ang teritoryo.
6 Kon alisto kita kag nagapangandam, padayon naton nga malab-ot bisan yadtong didto sa makatalagam nga mga lugar nga “nagapanghayhay kag nagabakho sa tanan nga kalangil-aran nga ginhimo.”—Ezeq. 9:4.