Mga Miting sa Serbisyo Para sa Pebrero
Semana sang Pebrero 5-11
Ambahanon 96
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sang Ginharian. Mga Balita Teokratiko.
15 min: “Ginapadaku sang Bag-ong Libro ang Ihibalo sang Dios.” Pamangkot kag sabat nga paghinun-anon.
20 min: “Bugna—Yabi sa Matuod nga Kalipay.” Hinun-anuni ang ginpanugda nga mga presentasyon, kag maghatag sing isa ukon duha ka pasundayag.
Ambahanon 14 kag nagatakop nga pangamuyo.
Semana sang Pebrero 12-18
Ambahanon 191
10 min: Lokal nga mga pahibalo. Report sa kwenta. Pahanumduma ang tanan sang miting sa Pebrero 18 upod sa tanan nga nagaplano sa pag-auxiliary payunir sini nga tig-ilinit.
15 min: “Maghanda Para sa Hilikuton sa Magasin sa Abril.” Basaha ang duha ka parapo nga artikulo, kag ibalay kon ano ang pagahimuon sang lokal nga kongregasyon agod ang Abril mangin isa ka pinasahi nga bulan sa pagpanagtag sing magasin.
20 min: “Paano Ko Mabuyok ang Tagbalay sa Pagpamati?” Pamangkot kag sabat. Hambalan sang duha ka manugbantala kon paano nila tinguhaan nga ipakita ang dugang pa nga kainit sa pagpakighambal sa mga ganhaan, nga ginagamit ang pila sa mga panugda nga ginhatag sa School Guidebook, pahina 165-7, parapo 10-21.
Ambahanon 133 kag nagatakop nga pangamuyo.
Semana sang Pebrero 19-25
Ambahanon 72
10 min: Lokal nga mga pahibalo.
15 min: Pamulongpulong sang isa ka gulang tuhoy sa “Mag-andam Kamo sa Pagpakamatarong sa Kaugalingon,” pasad sa artikulo sang Oktubre 15, 1995 nga Lalantawan, pahina 29-31.
20 min: “Buligi Sila sa Paghangop.” Repasuha ang ginpanugda nga mga presentasyon sa paghimo sing mga pagduaw liwat. Ipasundayag ang isa ukon duha ka presentasyon. Maghatag sing mga panugda kon paano mapalambo ang interes tubtob sa punto nga mahimo sugdan ang isa ka pagtuon sa Biblia sa libro nga Ang Ihibalo nga Nagadul-ong sa Kabuhi nga Walay Katapusan.
Ambahanon 53 kag nagatakop nga pangamuyo.
Semana sang Peb. 26–Mar. 3
Ambahanon 28
7 min: Lokal nga mga pahibalo.
10 min: “Pagpanginpulos Gikan sa Teokratikong Eskwelahan sa Pagministro Para sa 1996—Bahin 2.” Pamulongpulong sang manugtatap sang eskwelahan. Ipadaku ang kinahanglanon nga basahon ang Pulong sang Dios adlaw-adlaw.
13 min: Paghanda sing Makagalanyat nga mga Presentasyon. Ang isa ka grupo sang tatlo ukon apat ka manugbantala nagahinun-anon sang mga benepisyo sang paggamit sing pila ka butang nga makawiwili sa inyo teritoryo. Halimbawa, ang lokal nga mga balita nahanungod sa mga panikasog nga mapauswag ang talaksan sang pagkabuhi, nagadugang nga mga problema sa pag-asawahay, delingkwente nga mga kabataan, ukon mga kabudlayan sa pagpangita sing palamugnan. Hinambiti ang pila ka bag-ong balita sa inyo komunidad kag hambali kon paano ini magamit sa pagsugod sing mga paghambalanay.
15 min: Pagtanyag sing Libro nga Ang Ihibalo nga Nagadul-ong sa Kabuhi nga Walay Katapusan sa Marso. Ipakita ang pila ka makawiwili nga mga bahin sang libro nga sarang magamit sa pagsugod sing mga paghambalanay: (1) Ipatalupangod ang talalupangdon nga mga ilustrasyon, kaangay sang ginapakita sa pahina 4-5, 86, 124-5, 188-9. (2) Ipaathag kon paano ang mga pamangkot sa repaso sa katapusan sang mga kapitulo sarang magamit sa pagsugod sing mga paghambalanay. Pamangkuta ang tagbalay kon luyag niya mahibaluan ang mga sabat. Magpili sing pila ka pamangkot gikan sa mga nalista sa pahina 11, 22, 61, 149. (3) Patuhuyi ang kahon sa pahina 102, kag maghatag sing mga panugda nga nagapakita kon paano ang “Pila ka Bahin sang Katapusan nga mga Adlaw” mahimo magamit sa pagpukaw sing interes. (4) Ipadaku kon paano ang libro gindesinyo labi na para sa pagdumala sing mainuswagon nga mga pagtuon. Ang mga kapitulo malip-ot, ang materyal mahapos hangpon, ang epektibo nga mga kasulatan ginasitar, kag ang mga pamangkot nasentro sa pangunang mga punto. Palig-una ang tanan nga itanyag ang libro upod ang tulumuron nga makasugod sing mga pagtuon.
Ambahanon 151 kag nagatakop nga pangamuyo.