Mga Miting sa Serbisyo Para sa Agosto
Semana sang Agosto 5-11
10 min: Lokal nga mga pahibalo kag pinili nga Mga Pahibalo gikan sa Ang Aton Ministeryo sa Ginharian.
15 min: “Walay Untat sa Pagpahayag sang Maayong Balita.” Mga pamangkot kag sabat.
20 min: “Iwali ang Maayong Balita sang Ginharian Paagi sa mga Brosyur.” (Parapo 1-5) Ihatag ang nahaunang parapo subong isa ka pamulongpulong. Maghanda sing apat ka naensayo sing maayo nga mga pasundayag nahanungod sa nahaunang mga pagduaw kag mga pagduaw liwat nga nagagamit sang Kabuhi sa Duta kag “Toloka!” nga mga brosyur. Ipasundayag sang isa ka lamharon nga manugbantala, nga ginabuligan sang iya ginikanan, ang Kabuhi sa Duta nga brosyur.
Ambahanon 136 kag nagatakop nga pangamuyo.
Semana sang Agosto 12-18
15 min: Lokal nga mga pahibalo. Report sa kwenta. Ilakip ang mga komento sa “Mga Paagi sa Pagpakigbahin,” sa Disiembre 1, 1993, Lalantawan, pahina 29-31.
15 min: “Iwali ang Maayong Balita sang Ginharian Paagi sa mga Brosyur.” (Parapo 6-8) Maghatag sing malip-ot nga sumaryo sang kaundan sang Government nga brosyur. Ipasundayag ang ginapanugda nga mga presentasyon para sa nahaunang pagduaw kag pagduaw liwat. Palig-una ang tanan nga balikan ang ila mga napahamtangan.
15 min: “Ang mga Amot sa Bug-os Kalibutan nga Hilikuton sang Sosiedad Nagasakdag sang Pagpasangkad.” Mapagsik nga pamulongpulong sang gulang. Ilakip ang mga estadistika gikan sa Yearbook nahanungod sa pag-uswag sang hilikuton sang Ginharian sa pila ka pungsod nga ginhinambitan.
Ambahanon 9 kag nagatakop nga pangamuyo.
Semana sang Agosto 19-25
10 min: Lokal nga mga pahibalo. Repasuha ang “Pamangkot.”
15 min: “Sin-o ang Kalipikado sa Pagbantala?” Hinun-anunan sang gulang ang artikulo upod sa duha ukon tatlo ka manugbantala. Ipadaku ang maayong paghanas nga ginabaton naton.
20 min: “Kon Paano Maghimo sing mga Disipulo Paagi sa Ihibalo nga Libro.” Pamangkot kag sabat nga paghinun-anon sa parapo 17-26 sang suplemento sang Hunyo 1996 nga Ang Aton Ministeryo sa Ginharian. Agdaha yadtong nagadumala sing mga pagtuon sa Ihibalo nga libro sa pagkomento kon paano nila ginagamit ang mga panugda sa suplemento kag kon paano sila nabuligan sa pagdumala sing isa ka mas mauswagon nga pagtuon sa Biblia sa puluy-an. Palig-una ang tanan nga taguon ang suplemento kag repasuhon ini sing personal kon makasugod sila sing isa ka bag-ong pagtuon.
Ambahanon 189 kag nagatakop nga pangamuyo.
Semana sang Agos. 26–Sept. 1
10 min: Lokal nga mga pahibalo. Repasuha ang “Kompleto Bala ang Inyo Teokratikong Librarya?”
20 min: Pagpakita sing Interes sa Pagbutho sang Imo Anak. Pamulongpulong sang isa ka gulang. Repasuha ang impormasyon sa brosyur nga Jehovah’s Witnesses and Education, pahina 2-5, nagapakita kon ngaa ginaapresyar naton ang mapuslanon nga paghanas nga ginaaman sa eskwelahan. Hinun-anuni kon paano mapaathag sing mataktika sa mga manunudlo ang rason kon ngaa ginauna naton ang espirituwal nga mga tulumuron tigaylo sang sekular nga mga paghimud-os. Ilakip ang mga punto gikan sa “Conclusion,” sa pahina 31.
15 min: Repasuha ang Tanyag nga Literatura Para sa Septiembre. Gamiton naton ang libro nga Life—How Did It Get Here? By Evolution or by Creation? Repasuha ang kaundan sing malip-ot. Ang kapitulo 1-15 nagapanalawsaw sing maid-id sang binais sa kon paano diri nagluntad ang kabuhi; ang kapitulo 16 nagahinun-anon sang pamangkot, “Why Would God Permit Suffering?”; ang kapitulo 17-18 nagapalig-on sang pagtuo sa Biblia subong ang inspirado nga Pulong sang Dios; ang kapitulo 19-20 nagapadaku sang maayong balita sang Ginharian nahanungod sa kabuhi sa duta sa Paraiso kag nagapaathag kon paano ini matigayon. Ipasundayag sang isa ka sangkol nga manugbantala ang malip-ot nga pagtanyag sing Creation nga libro. Kon ang inyo kongregasyon may Mabuhi sing Dayon pa nga libro mahimo ini matanyag sa mga wala nagabasa sing Ingles.
Ambahanon 113 kag nagatakop nga pangamuyo.