Ang mga Amot sa Bug-os Kalibutan nga Hilikuton sang Sosiedad Nagasakdag sang Pagpasangkad
1 Subong sang gintagna sa Isaias 54:2, 3, ang putli nga pagsimba ni Jehova padayon nga nagasangkad sa bug-os nga duta. Nagalakip ini sa nanuhaytuhay nga kadutaan sang Aprika kag kaiping nga kapuluan. Sang nagligad nga napulo ka tuig, ang mga pagdumili sa hilikuton sang Ginharian ginkuha sa Angola, Cameroon, Equatorial Guinea, Etiopia, Madagascar, Malawi, Mozambique, kag Togo. Sa sini kag sa iban pa nga kadutaan nga ang latagon luntay na para anihon, ginatos ka misyonero sang Gilead, mga nakatapos sa Ministerial Training School, mga katapo sang pamilya Bethel, kag iban pa ang nagbaton sing mga asaynment.—Mat. 9:37, 38.
Sing maathag, ang pagdamo sang matuod nga mga sumilimba sa organisasyon ni Jehova nagakinahanglan nga magpatindog sing ginatos ka bag-ong mga Kingdom Hall. Kinahanglan man ang magplano para sa mga Assembly Hall kag sa bag-o ukon ginpasangkad nga mga pasilidad sang sanga. Daku nga bahin sang ginaamot sa bug-os kalibutan nga hilikuton sang Sosiedad ang ginagasto sa sining mga proyekto indi lamang sa Aprika kundi sa iban man nga mga bahin sang kalibutan.
Ang mga laragway kag mga drowing sa duha ka pahina sining suplemento nagahatag sa inyo sing pila ka ideya sa kon ano ang ginapanikasugan sang Sosiedad nga himuon sa Aprikanong latagon. Ginapakita ang pila ka konstruksion nga ginahimo karon kag ang mga proyekto nga pagasugdan sa dili madugay.
Paagi sa pagtan-aw sa tsart sang pag-alagad sa latagon sa 1996 Yearbook, makita ninyo ang mas maayo nga laragway sa kon ano ang ginahimo sang mga manugbantala sa sining mga pungsod sa ministeryo. May tumalagsahon nga mga pag-uswag, kag ang posibilidad para sa pagtubo makita sa pinasahi nga mga tumalambong sa Memoryal. Kon ginahuptan naton sa hunahuna kon ano man ang ginahimo sa iban nga mga kontinente, nagapatudok ini sa aton kon daw ano ka daku ang aton pribilehiyo nga sakdagon ang matuod nga pagsimba sa materyal nga paagi.—Luc. 16:9; 1 Tim. 6:18.
[Retrato sa pahina 3]
Kingdom Hall sa KwaZulu-Natal, Bagatnan nga Aprika, nga ginpatindog sa 9 ka adlaw
[Retrato sa pahina 3]
Ang makinuton namolde na nga daan (precast) nga Kingdom Hall sa Nigeria
[Retrato sa pahina 3]
Assembly Hall sa Mozambique nga makapalingkod sa 1,500, nga matapos sa talipuspusan sang 1996
[Retrato sa pahina 3]
Ang mga pasilidad sang sanga sa Mozambique, nga handa gamiton sa tigragas sang 1996
[Retrato sa pahina 3]
Sanga sang Sierra Leone, naiskedyul nga matapos sini nga tingadlaw
[Retrato sa pahina 4]
Natapos nga wala-sing-dingding nga Assembly Hall sa Mauritius, upod ang mga pasilidad sang sanga, nga matapos sa tigpamulak sang 1997
[Retrato sa pahina 4]
Ginapatindog nga sanga sang Zimbabwe
[Retrato sa pahina 4]
Wala-sing-dingding nga Assembly Hall kag bag-ong sanga nga ginapatindog sa Senegal
[Retrato sa pahina 4]
Bag-ong sanga sa kapital sang Kenya, sa Nairobi
[Retrato sa pahina 4]
Sanga sang Madagascar, nga matapos sa dili madugay
[Retrato sa pahina 4]
Ginaplano nga mga tinukod sang sanga para sa Malawi