Mga Pahibalo

◼ Tanyag nga literatura sa Enero: Magamay nga Mabuhi sing Dayon nga libro sa ginpanubuan nga amot nga ₱20.00. Pebrero: Life​—⁠How Did It Get Here? By Evolution of by Creation?, daku nga edisyon sa ₱60.00, gamay nga edisyon sa ₱30.00. Sa wala nagahambal sing Ingles nga mga teritoryo, ang magamay nga Mabuhi sing Dayon nga libro dapat itanyag sa ginpanubuan nga amot nga ₱20.00. Marso: Bag-ong publikasyon nga ipaguwa sa distrito nga kombension. Abril kag Mayo: Isa ka tuig nga suskripsion sa Ang Lalantawan sa ₱120.00. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga publikasyon dapat mangabay sini sa ila masunod nga binulan nga Literature Order Form (S-AB-14).

◼ Ang Enero amo ang tion para bag-uhon ang aton Medical Directives kag Identity Cards para sa 1997. Subong man, ang tanan nga bag-ong bawtismado nga mga katapo sang kongregasyon dapat amanan sing kard, subong man ang dibawtismado nga menor-de-edad nga kabataan sang Saksi nga mga ginikanan. Repasuhon sang sekretaryo ang sulat sa tanan nga kongregasyon nga napetsahan sing Nobiembre 1, 1991 tuhoy sa kon paano sulatan ining mga kard, kag magaaman sa tanan nga nagakinahanglan sini sing mga kard sa Miting sa Serbisyo para sa semana sang Enero 13-19. Kon kinahanglanon, mag-order sing dugang pa nga kard gikan sa Sosiedad.

◼ Ang mga kongregasyon magahimo sing mga kahimusan agod saulugon ang Memoryal sini nga tuig sa Domingo, Marso 23, pagtunod sang adlaw. Bisan pa nga ang pamulongpulong mahimo magasugod sing mas maaga, ang pagpasa sa mga emblema sa Memoryal magasugod lamang pagtunod sang adlaw. Sanglit wala sing mga miting nga pagahiwaton sa sina nga adlaw, ang nagakaigo nga mga pagbag-o dapat himuon agod ang Pagtinuon sa Lalantawan pagahiwaton sa lain nga tion. Dapat bag-uhon sang mga manugtatap sang sirkito ang ila iskedyul sang mga miting para sa semana suno sa lokal nga mga kahimtangan. Bisan pa maayo nga hiwaton sang kada kongregasyon ang kaugalingon nga selebrasyon sang Memoryal, mahimo nga indi ini pirme posible. Kon madamo nga kongregasyon ang kinaandan na nga nagagamit sa isa ka Kingdom Hall, ayhan ang isa ukon kapin pa nga mga kongregasyon mahimo magkuha sing lain nga pasilidad para magamit sa sina nga gab-i. Ang Memoryal indi dapat sugdan sing gab-i na katama sa bagay nga mangin indi na kombeniente para sa mga interesado ang magtambong. Ang iskedyul indi man dapat nga ipit kaayo sa bagay nga wala na sing tion antes ukon pagkatapos sang selebrasyon nga maabiabi ang mga bisita, mahimo ang kahimusan para mabuligan sa espirituwal ang mga interesado, ukon malipay sa pagbayluhanay sing pagpalig-on. Sa tapos mabinagbinag sing maid-id ang tanan nga butang, ang mga gulang dapat mamat-od kon anong mga kahimusan ang labing mapuslanon para sa tanan nga magatambong. Ang mga imbitasyon sa Memoryal ipadala sa mga kongregasyon kon maimprinta na.

◼ Ang pinasahi nga pamulongpulong publiko para sa 1997 ihatag sa bug-os nga kalibutan sa Domingo, Abril 6, 1997. Ang tema amo ang “Natinluan sang Kalibutanon nga mga Kahigkuan.” Ang balayan ihatag sa ulihi. Ang mga kongregasyon nga may pagduaw sang manugtatap sang sirkito, sirkito nga asambleya, ukon pinasahi nga adlaw nga asambleya sa sinang talipuspusan sang semana magahiwat sang pinasahi nga pamulongpulong sa masunod nga semana, sa Abril 13. Wala sing kongregasyon ang magahatag sing pinasahi nga pamulongpulong antes sang Abril 6.

◼ Ang hubon sang mga gulang dapat mangin alisto sa masunod nga mga pagbag-o nga kinahanglanon kon ang kongregasyon nagatambong sa lokal nga mga asambleya: Kon may naiskedyul nga programa sang pinasahi nga adlaw nga asambleya, ang mga kongregasyon magahiwat sang ila tanan nga kinaandan nga mga miting sa bug-os nga semana, luwas sa Pamulongpulong Publiko kag Pagtinuon sa Lalantawan nga ginkanselar. Kon nakaiskedyul sa pagtambong sa sirkito nga asambleya, kanselahon man sang kongregasyon ang Teokratikong Eskwelahan sa Pagministro kag Miting sa Serbisyo; ang Pagtinuon sa Libro sang Kongregasyon lamang ang pagahiwaton sa sina nga semana.