Mga Pahanumdom Sa Memoryal

Ang selebrasyon sang Memoryal magatupa sa Domingo, Marso 23. Dapat talupangdon sang mga gulang ang masunod nga mga butang:

◼ Kon nagatalana sing oras para sa miting, pat-ura nga ang mga emblema ginapasa lamang pagkatapos nga makatunod ang adlaw.

◼ Ang tanan, lakip na ang humalambal, dapat pahibaluon sang eksakto nga oras kag lugar para sa okasyon.

◼ Ang nagakaigo nga sahi sang tinapay kag alak dapat tigayunon kag ihanda.​—⁠Tan-awa ang Agosto 15, 1985, Lalantawan, pahina 19.

◼ Ang mga pinggan, mga kopa, kag nagakaigo nga lamesa kag mantil dapat dalhon kag iplastar sa tilipunan sing abanse.

◼ Ang Kingdom Hall ukon ang iban pa nga duog tilipunan dapat tinluan sing maayo sing abanse.

◼ Ang mga attendant kag mga manugserbe dapat pilion kag hatagan sing instruksion sing abanse tuhoy sa nagakaigo nga paagi kag sa ila mga katungdanan.

◼ Dapat himuon ang kahimusan nga maserbehan ang bisan sin-o nga hinaplas nga nagamasakit kag indi makatambong.

◼ Kon kapin sa isa ka selebrasyon ang ginaiskedyul sa isa ka Kingdom Hall, ang mga kongregasyon dapat nga maghituhog sing maayo agod malikawan ang pagginutok sa alagyan kag sa dalan sa guwa.