Mga Miting Sa Serbisyo Para Sa Hulyo
Semana sang Hulyo 7-13
Ambahanon 6
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Magkomento tuhoy sa report sa pag-alagad sa latagon sang pungsod kag sang lokal nga kongregasyon sang Abril.
15 min: “Ang Katutom Ginapadyaan.” Pamangkot kag sabat. Ilakip ang halimbawa nga ginsaysay sa Enero 22, 1993, Awake!, pahina 18-21.
20 min: “Buligi ang Iban nga Makakita sing Lugpay.” Paghinun-anon upod sa tumalambong. Ipasundayag ang isa ukon duha ka presentasyon. Agdaha ang tumalambong sa pagsugid sang iban pa nga mga paagi nga nakasugod sila sing mga paghambalanay sa amo man nga mga brosyur. Palig-una ang paggamit sing simple, ginpili sing maayo nga mga tinaga sa pagpukaw sing interes. (Tan-awa ang School Guidebook, pahina 7, parapo 9-11.) Ihatag ang iban pa nga mga brosyur nga mahimo matanyag kag nga may natago nga suplay ang kongregasyon.
Ambahanon 70 kag nagatakop nga pangamuyo.
Semana sang Hulyo 14-20
Ambahanon 5
12 min: Lokal nga mga pahibalo. Report sa kuwenta. Hinun-anuni ang “Tun-an Naton ang Kalipay sa Pamilya nga Libro.”
18 min: “Magpanaksi Bisan Diin nga May Tawo.” Isa ka pamulongpulong. Kon ginatugot sang tion, ang dugang nga mga eksperiensia gikan sa 1997 Yearbook, pahina 43-6 mahimo masugid.
15 min: Mga Ginikanan—Tudlui ang Inyo mga Anak Kutob sa Pagkalapsag. Hinun-anunan sang gulang ang Makasulatanhon nga mga prinsipio nga nagapaathag sang kinahanglanon nga tudluan sang mga ginikanan ang ila mga anak kutob sa pagkalapsag. (Hulu. 22:6; 2 Tim. 3:14, 15) Ang iban nga mga ginikanan nagabatyag nga ang serioso nga pagtuon sa Biblia para sa kabataan indi dapat ihatag tubtob nga yara na sila sa edad nga makapamat-od para sa ila kaugalingon. Sa sina nga mga hitabo madamo nga kabataan ang nadala sang kalibutan. Ang espirituwal nga pagtudlo dapat magsugod sa pagkalapsag. (g97-E 3/8 26-7; w88-HV 8/1 12-13) Interbyuha ang mag-asawa nga nagapakita sing kabalaka sa espirituwalidad sang ila mga anak. Ipakita kon paano nagapanguna ang amay apang nga ang duha ka ginikanan nagahimo sang ila bahin sa pag-aman sing regular, nahimos sing maayo nga programa sa pagtudlo sa ila kabataan. Ginasugid sang mag-asawa kon ano ang ila ginahimo agod matudluan sing kamatuoran ang ila mga anak, nagaaplikar sang mga panugda nga ginahatag sang organisasyon sa pagtigayon sing praktikal nga programa sa pagtudlo sa puluy-an. Ginapadaku sang gulang ang importansia sang pag-aplikar sa ginalaygay sang Pulong sang Dios nga himuon sang mga ginikanan.—Efe. 6:1-4.
Ambahanon 71 kag nagatakop nga pangamuyo.
Semana sang Hulyo 21-27
Ambahanon 14
12 min: Lokal nga mga pahibalo. Ilakip ang paghinun-anon sa “Pamangkot.”
13 min: “Sin-o ang Magaupod sa Amon?” Isa ka positibo nga pamulongpulong. Ilakip ang pagpalig-on nga magregular payunir kag ang eksperiensia nga makita sa suplemento sang Pebrero 1997 nga Ang Aton Ministeryo sa Ginharian, parapo 16-17. Mahimo planuhon sang mga indi makaregular payunir ang mga bulan nga makaauxiliary payunir sila sa masunod nga tuig sa pag-alagad.
20 min: Maghanda sa Pagpanaksi sing Di-Pormal. Kada adlaw, makasumalang kita sing mga kahigayunan nga makapanaksi sa mga tawo nga aton masugilanon. Kon magautwas ina nga kahigayunan, mahimo naton matukiban nga wala gali kita sing Biblia ukon mga publikasyon nga magamit. Magplano sing abanse. Sa balay, magbutang sing pila ka literatura malapit sa ganhaan nga didto ginasug-alaw ninyo ang mga bisita. Magbutang sing lainlain nga literatura sa briefcase ukon bag, kag dalha ninyo ini ukon ibutang ini sa inyo awto, sa inyo ulubrahan, ukon sa inyo hulot-ilislan sa eskwelahan. Magdala sing pila sini kon nagasakay sa publiko nga transportasyon. Magdala sing pila ka literatura kon nagalakbay para sa negosyo, nagabiyahe pakadto sa kombension, ukon nagabakasyon. Hinun-anuni ang dugang pa nga mga panugda sa School Guidebook, pahina 80-2, parapo 11-16. Ipasundayag sa malip-ot ang pila ka paagi sa pagpalapit sa ahente, sa kaupod sa trabaho, sa kabutho, sa isa pa nga nagalakbay, ukon sa bakasyunista.
Ambahanon 72 kag nagatakop nga pangamuyo.
Semana sang Hulyo 28–Agosto 3
Ambahanon 15
12 min: Lokal nga mga pahibalo. Pahanumduma ang tanan nga ihatag ang report sa pag-alagad sa latagon. Repasuha ang tanyag nga literatura sa Agosto. Magkonsentrar sa paghimo sing mga pagduaw liwat sa mga nakakuha sing brosyur sang Hulyo, nga nagapanikasog nga makasugod sing mga pagtuon sa Biblia. Nagagamit sing suplemento sang Marso 1997 nga Ang Aton Ministeryo sa Ginharian, ipatalupangod ang pila ka kinahanglanon para sa epektibo nga pagduaw liwat. Ang mga pagtuon dapat sugdan sa Ginapatuman nga brosyur ukon sa Ihibalo nga libro.
18 min: Pamulongpulong sang isa ka gulang sa artikulo nga “Mga Kasal nga Nagapadungog kay Jehova” sa Abril 15, 1997 nga Lalantawan, pahina 23-6.
15 min: Tumana sing Bug-os ang Inyo Ministeryo. Pamulongpulong sang manugtatap sa pag-alagad pasad sa Aton Ministeryo nga libro, pahina 5-8. Ipadaku ang pagkaimportante kag pagkahilingagawon sang pagbantala nga hilikuton, nagapapagsik sa tanan nga tamdon sing serioso ang ila responsabilidad subong mga ministro.
Ambahanon 75 kag nagatakop nga pangamuyo.