Tun-an Naton Ang Kalipay Sa Pamilya Nga Libro

Malipay kamo nga mahibaluan nga sugod sa semana sang Oktubre 6-12, 1997, binagbinagon naton ang libro nga Ang Sekreto sang Kalipay sa Pamilya sa Pagtinuon sa Libro sang Kongregasyon. Indi luyag sang isa nga indi matambungan ang pagtinuon sang grupo sining praktikal nga panuytoy sang Kasulatan para sa isa ka malipayon nga pagkabuhi sang pamilya. Ang iskedyul sa pagtinuon nagahatag sing bastante nga tion para sa maid-id nga pag-usisa sa tagsa ka parapo kag teksto sang Biblia sa libro.

Ang bug-os nga nahaunang kapitulo pagabinagbinagon sa nahaunang semana sang pagtuon, kay nagaunod ini sing pila lamang ka wala mabalikwat nga kasulatan. Sa amo man nga rason, ang kapitulo 15 pagabinagbinagon sa isa ka sesyon. Apang, ang tanan iban pa nga kapitulo pagatungaon sa duha ka bahin, kag mga katunga sang kapitulo ang binagbinagon kada semana. Busa, may bastante nga tion sa pagbasa kag sa paghinun-anon sa tanan ginsambit nga kasulatan subong man sa pag-usisa sing maayo kon paano gamiton ang tanan ginbalikwat nga kasulatan sa kada parapo.

Ang importante nga bahin sang pagtuon amo ang paghinun-anon sa materyal sa nagatudlo nga kahon sa katapusan sang tagsa ka kapitulo. Busa, dapat ihatag ang nagakaigo nga tion agod mabinagbinag ang mga pamangkot kag ang ginhinambitan nga mga kasulatan sa kahon.

Dapat hatagan sing pinasahi nga igtalupangod sang mga konduktor sa Pagtinuon sa Libro sang Kongregasyon ang ila paghanda sa pagtuon kag palig-unon ang tanan nga gintangdo sa ila grupo, lakip na ang mga bag-uhan, nga magtuon sing maayo kag magtambong sing tayuyon.​—⁠om 74-6.