Mga Miting sa Serbisyo para sa Enero
Semana Sang Enero 5-11
Ambahanon 10
8 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.
17 min: “Magkalipay sa Paghatag Sing Maid-id nga Panaksi.” Paghinun-anon sang tumalambong sa artikulo. Ipatalupangod ang pagkaimportante sang epektibo nga presentasyon: (1) Manamyaw sing mainabyanon, (2) magkomento ukon mamangkot tuhoy sa isa ka tema nga ginakawilihan karon, (3) ipaathag ang nagakaigo nga teksto sa Kasulatan, kag (4) ipatuhoy ang interes sa publikasyon nga ginatanyag. Ipapasundayag sa isa ka sangkol nga manugbantala ang ginpanugda nga nahaunang presentasyon kag pagduaw liwat.
20 min: Maghanda Karon sa Pagsakdag sa Kasuguan Sang Dios sa Dugo. Ginapaathag sang kalipikado nga gulang ang importansia sang pagsulat sing kompleto sang Advance Medical Directive/Release card. Ginapakita sang inspirado nga panuytoy sa Salmo 19:7 nga ang Binuhatan 15:28, 29 isa ka pinamulong tuhoy sa himpit nga kasuguan sang Dios sa dugo. Ginapanikasugan sang mainunungon nga mga sumilimba nga sakdagon ina nga kasuguan. Ginasugid sining dokumento ang imo determinasyon nga sundon ini kag nagahambal para sa imo kon indi ka makasangkol sa paghambal. (Ipaanggid ang Hulubaton 22:3.) Ginahatag sang bag-ong kard ang imo karon deklarasyon sa pagdumili nga magpatayon sing dugo. Pagkatapos sini nga miting, ang bawtismado nga mga Saksi nga maluyag makatigayon sing bag-ong kard pagahatagan sini, kag yadtong may dibawtismado nga mga menor-de-edad nga kabataan makabaton sing Identity Card para sa tagsa ka bata. Ining mga kard indi pagasulatan karon nga gab-i. Sulatan ini sing mahalungon sa balay apang INDI pagpirmahan. Ang pagpirma, pagsaksi, kag pagpetsa sa tanan nga kard pagahimuon pagkatapos sang masunod nga Pagtinuon Sang Kongregasyon sa Libro, sa idalom sang pagdumala sang konduktor sang pagtinuon sa libro. Pat-uron sini nga ang tanan nga gintangdo sa iya grupo nga luyag magsunod sa sining direktiba sa pagpabulong makatigayon sing kinahanglanon nga bulig. Dapat makita sang mga nagpirma sang ila ngalan subong mga saksi ang aktuwal nga pagpirma sang tag-iya sang kard sa dokumento. Ang bisan sin-o nga wala makatambong kag maluyag sa pagsulat kag sa pagpirma sing kard pagabuligan sang mga konduktor/mga gulang sa masunod nga Miting sa Serbisyo tubtob masulatan sing nagakaigo sang tanan nga bawtismado nga mga manugbantala ang ila kard. (Repasuha ang sulat sang Nobiembre 1, 1991.) Paagi sa pag-ilis sang ginasiling sining kard suno sa ila mismo sirkunstansia kag pagtuo, ang dibawtismado nga mga manugbantala mahimo makasulat sang ila kaugalingon nga direktiba para magamit nila kag sang ila mga anak.
Ambahanon 142 kag nagatakop nga pangamuyo.
Semana Sang Enero 12-18
Ambahanon 161
10 min: Lokal nga mga pahibalo. Report sa kuwenta. Repasuha ang “Bag-ong Programa Sang Pinasahi nga Adlaw nga Asambleya.”
15 min: “Gamita Sing Maayo ang mga Handbill.” Paghinun-anon sa tumalambong. Ilakip ang eksperiensia sa Disiembre 1, 1996, Lalantawan, pahina 13, parapo 15.
20 min: “Si Jehova Nagahatag Sing Kusog nga Labaw sa Kinaandan.” Pamangkot kag sabat. (Tan-awa ang w90-HV 7/15 pahina 19, parapo 15-16.) Maghimo sing kahimusan para makasugid ang pila ka utod sing makapalig-on nga mga eksperiensia nga nagapakita kon paano sila ginpabakod ni Jehova.
Ambahanon 81 kag nagatakop nga pangamuyo.
Semana Sang Enero 19-25
Ambahanon 1
10 min: Lokal nga mga pahibalo.
15 min: Lokal nga mga kinahanglanon.
20 min: Ang Pagtinuon Sang Pamilya nga Nagahatag Sing Kalipay. Ginahambalan sang isa ka mag-asawa ang espirituwal nga mga kinahanglanon sang ila pamilya. Nabalaka sa kalibutanon nga mga impluwensia nga nagaapektar sing negatibo sa ila kabataan, nakita nila ang kinahanglanon nga pabakuron ang espirituwalidad sang ila kabataan apang ginabaton nila nga indi regular ang ila pagtinuon sang pamilya kag masunson nga indi epektibo. Magkaupod nila nga ginarepaso ang mga rekomendasyon sa kon paano himuon ang isa ka mapuslanon nga pagtinuon sang pamilya nga ginhatag sa Agosto 1, 1997, Lalantawan, pahina 26-9. Determinado sila nga duha nga amligan ang espirituwal nga kaayuhan sang ila kabataan.
Ambahanon 146 kag nagatakop nga pangamuyo.
Semana Sang Ene. 26–Peb. 1
Ambahanon 187
12 min: Lokal nga mga pahibalo. Repasuha ang tanyag nga literatura sa Pebrero: Ihatag ang isa ukon duha ka punto gikan sa Life—How Did It Get Here? nga libro nga mapuslanon kon ginatanyag ini.
15 min: “Magpakita Sing Pagtahod sa Duog Sang Pagsimba kay Jehova.” Pamangkot kag sabat. Pagadumalahan sang isa ka gulang, nga magaaplikar sini sing malulo sa lokal nga kahimtangan.
18 min: Pagreport Sang Aton Bahin sa Bug-os Kalibutan nga Pagpanaksi nga Hilikuton. (Pasad sa Aton Ministeryo nga libro, pahina 100-2, 106-10.) Pamulongpulong kag paghambalanay nga dumalahan sang sekretaryo. Pagkatapos ipakita ang Makasulatanhon nga sulundan para sa regular nga pagreport sang aton hilikuton, ginaagda niya ang duha ka ministeryal nga mga alagad sa pagrepaso sang subtitulo nga “Kon Ngaa Ginareport Naton ang Aton Pag-alagad sa Latagon.” Nian ginapadaku sang sekretaryo ang importansia sang maaga nga paghatag sing husto nga mga report. Ginapaathag niya ang mga rason kon ngaa ang pagpahamtang sing personal nga mga tulumuron mapuslanon, nagahinakop paagi sa makapalig-on nga mga komento tuhoy sa mga pagpakamaayo nga matigayon sadtong nagapakigbahin sing bug-os sa pagpanaksi nga hilikuton.
Ambahanon 189 kag nagatakop nga pangamuyo.