Mga Pahibalo
◼ Tanyag nga literatura sa Enero: Nahiusa sa Pagsimba sa Lamang Matuod nga Dios ukon ang magamay nga Mabuhi sing Dayon nga libro sa ₱20.00. Pebrero: Life—How Did It Get Here? By Evolution or by Creation?, daku nga edisyon sa ₱60.00, magamay nga edisyon sa ₱30.00. Apang, sa wala nagahambal sing Ingles nga mga teritoryo, ang magamay nga Mabuhi sing Dayon nga libro dapat itanyag sa amot nga ₱20.00. Marso: Ang Kalipay sa Pamilya nga libro itanyag. Kon wala pa kamo sini nga libro mahimo ninyo matanyag ang Ihibalo nga libro. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga publikasyon dapat mangabay sini sa ila masunod nga binulan nga Literature Order Form (S-AB-14).
◼ Ang mga kongregasyon dapat maghimo sing kombeniente nga mga kahimusan sa pagsaulog sang Memoryal sini nga tuig sa Sabado, Abril 11, pagtunod sang adlaw. Bisan nga ang pamulongpulong mahimo sugdan sing mas maaga, ang pagpasa sa mga emblema sang Memoryal sugdan lamang kon makatunod na ang adlaw. Hibalua sa mga awtoridad sa inyo lugar kon san-o magatunod ang adlaw. Walay sapayan nga maayo nga hiwaton sang kada kongregasyon ang iya kaugalingon nga selebrasyon sang Memoryal, ayhan indi ini pirme posible. Kon madamo nga kongregasyon ang kinaandan nga nagagamit sang isa ka Kingdom Hall, ayhan ang isa ukon kapin pa ka kongregasyon magapangita sing lain nga pasilidad para magamit sa sina nga gab-i. Ang Memoryal indi dapat sugdan sing gab-i na katama sa bagay nga indi na kombeniente para sa bag-ong mga interesado ang pagtambong. Ang iskedyul indi man dapat nga nagasundanay dayon sa bagay nga wala na sing tion antes ukon pagkatapos sang selebrasyon sa pag-abiabi sa mga bisita, sa paghimo sing mga kahimusan para sa padayon nga pagbulig sa espirituwal sa mga interesado, ukon sa pagbayluhanay sing pagpalig-on. Sa tapos mabinagbinag ang tanan nga butang, ang mga gulang dapat mamat-od kon ano nga mga kahimusan ang labing maayo nga makabulig sa mga magatambong sa Memoryal sa pagpanginpulos sing bug-os gikan sa okasyon.
◼ Ang pinasahi nga pamulongpulong publiko para sa 1998 nga Memoryal ihatag sa Domingo, Marso 29. Ang balayan iaman. Ang mga kongregasyon nga may pagduaw sang manugtatap sang sirkito, sirkito nga asambleya, ukon pinasahi nga adlaw nga asambleya sa sinang talipuspusan nga semana magahiwat sang pinasahi nga pamulongpulong sa masunod nga semana. Wala sing kongregasyon ang magahatag sing pinasahi nga pamulongpulong antes sang Marso 29, 1998.
◼ Ang hubon sang mga gulang dapat mangin alisto nga kinahanglan ang masunod nga mga pagbag-o kon ang kongregasyon nagatambong sing lokal nga mga asambleya. Kon may naiskedyul nga programa sang pinasahi nga adlaw nga asambleya, hiwaton sang mga kongregasyon ang ila tanan kinaandan nga mga miting sa bug-os nga semana, luwas sa Miting Publiko kag sa Pagtinuon sa Lalantawan nga ginkanselar. Kon nakaiskedyul sa pagtambong sing sirkito nga asambleya, kanselahon man sang kongregasyon ang Teokratikong Eskwelahan sa Pagministro kag ang Miting sa Serbisyo; ang Pagtinuon Sang Kongregasyon sa Libro lamang ang pagahiwaton sa sina nga semana.
◼ Sanglit ginapaabot naton ang Abril subong isa ka pinasahi nga bulan sang pag-alagad karon na ang tion sa pagbinagbinag sang mga kinahanglanon sang inyo kongregasyon para sa dugang nga mga magasin nga magamit sa sina nga bulan. Ipadala palihug ang inyo mga order sing maaga agod matatap ang inyo mga kinahanglanon.
◼ May diutay pa kami nga nabilin nga stock sing Kingdom News #35 sa Bicol, Cebuano, Ingles, Hiligaynon, Iloko, Pangasinan kag Samar-Leyte. Ang mga kongregasyon nga wala makatuptop sang ila bug-os nga teritoryo paagi sini nga tract mahimo mag-order sing dugang pa nga suplay agod matuptupan ini. Ihatag sang Sosiedad ang inyo mga order tubtob maubos ang suplay.
◼ Bag-ong Audiocassette nga Matigayon:
The Secret of Family Happiness (album nga may 4 ka cassette nga nagaunod sang bug-os nga libro. Manugbantala kag Publiko: ₱250.00; Payunir: ₱180.00.)