Mga Pahanumdom sa Memoryal

Ang selebrasyon sang Memoryal magatupa sa Sabado, Abril 11. Dapat talupangdon sang mga gulang ang masunod nga mga butang:

◼ Sa pagtalana sang oras sang pagtipon, pat-ura nga ang mga emblema wala ginapasa tubtob makatunod ang adlaw.

◼ Ang tanan, lakip na ang humalambal, dapat pahibaluon sang eksakto nga oras kag lugar para sa okasyon.

◼ Ang nagakaigo nga sahi sang tinapay kag alak dapat tigayunon kag ihanda.​—⁠Tan-awa ang Agosto 15, 1985, Lalantawan, pahina 19.

◼ Ang mga pinggan, kopa, kag nagakaigo nga lamesa kag mantil dapat dalhon sa tilipunan kag ­iplastar sing abanse.

◼ Ang Kingdom Hall ukon iban pa nga tilipunan dapat tinluan sing maayo sing abanse.

◼ Ang mga ­attendant kag mga serbidor dapat pilion kag hatagan sing instruksion sing abanse tuhoy sa nagakaigo nga paagi kag sa ila mga katungdanan.

◼ Dapat himuon ang kahimusan nga serbehan ang bisan sin-o nga hinaplas nga nagamasakit kag indi makatambong.

◼ Kon kapin sa isa ka kongregasyon ang naiskedyul sa paggamit sa isa lang ka Kingdom Hall, dapat nga may maayo nga koordinasyon sa tunga sang mga kongregasyon agod malikawan ang dikinahanglanon nga pagginutok sa alagyan kag sa dalan sa guwa.