Iskedyul sa Miting sa Serbisyo
Semana sang Marso 8
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Pahanumduma ang tanan nga dal-on ang bag-o nga brosyur nga “See the Good Land” sa masunod nga Miting sa Serbisyo. Nagagamit sang mga panugda sa pahina 4, himuon ang isa ka pasundayag kon paano ipresentar ang Marso 15 nga Ang Lalantawan kag isa naman sa Marso 22 nga Awake!
15 min: Paggamit Sing mga Tract sa Pagsugod Sang mga Paghambalanay. Paghinun-anon upod sa mga tumalambong. Masami nga ang labing mabudlay nga bahin sa pagpanaksi amo ang pagsugod sang paghambalanay. Ang mga tract sarang magamit sa pagsugod sang paghambalanay sa pamalaybalay nga pagpanaksi, sa duog sang negosyo, kag sa mga duog publiko. Repasuha sing malip-ot ang duha ukon tatlo ka tract nga mahimo makagalanyat sa mga tawo sa inyo teritoryo. Anong mga introduksion ang sarang mahimo kon nagapresentar sining mga tract? Paano magamit ang mga ilustrasyon? Ano nga mga pamangkot ang sarang mabangon sing mataktikanhon? Ipasundayag kon paano masugdan ang paghambalanay nga nagagamit sing tract. Binagbinagon sing malip-ot sang manugbantala ang isa ka parapo gikan sa tract kag maghinakop paagi sa pagtanyag sing Ihibalo nga libro.
20 min: “Higugmaa Ninyo ang GINUO, Tanan Kamo nga Balaan Niya.”a Kon nagahinun-anon sang parapo 3, pakomentuha ang mga tumalambong kon paano nila ginaagda ang mga tawo sa pagsaulog sa Memoryal.
Ambahanon 131 kag nagatakop nga pangamuyo.
Semana sang Marso 15
10 min: Lokal nga mga pahibalo. Repasuha ang panguna nga mga punto sa “Mga Pahanumdom Para sa Memoryal.” Ipahibalo kon san-o hiwaton ang Pagtinuon sa Ang Lalantawan sa semana sang Memoryal.
15 min: Pagpahanumdom sa Pinasahi nga Hilikuton sa Panahon sang Memoryal. Paghinun-anon upod sa tumalambong nga dumalahan sang manugtatap sa pag-alagad. Sambita ang pinasahi nga mga kahimusan nga ginhimo. Palig-una ang sarang makaauxiliary payunir sa Abril kag Mayo. Repasuha sing malip-ot ang pila ka punto gikan sa suplemento sang Pebrero nga Ang Aton Ministeryo sa Ginharian.
20 min: Magbenepisyo Gikan sa “See the Good Land.” Ang bag-o nga brosyur magahimo sang aton pagbasa kag pagtuon sing Pulong sang Dios nga labi nga mapuslanon. Ang isa ka paagi amo ang paggamit sang indese sini. Basaha ang Isaias 63:1, nga nagalaragway kay Jehova nga nagapakari halin sa Bozra. Agdaha ang tanan nga pangitaon ang tinaga nga Bozrah sa indese sang “Good Land.” Ipaathag kon ano ang kahulugan sang “Bozrah 11 G11,” nga nagagamit sing kahon sa pahina 34, kag pangitaa ang Bozrah kag Edom sa mapa nga ginapakita. Nagagamit sing indese, pangitaa ang ruta ni Jesus halin sa Jerusalem pakadto sa Sychar. (Juan 4:3-5) Himua man ini sa nahamtangan sang punong sang Bethzatha. (Juan 5:1-3) Magpili sing isa ukon duha ka dugang nga halimbawa gikan sa semanal nga pagbasa sa Biblia para sa Teokratikong Eskwelahan Para sa Ministeryo. Padakua sing malip-ot ang pila ka mapa nga yara sa brosyur, nagatalupangod sang tion nga ginatuptupan. Ang mapa sa pahina 18-19 nagapresentar sang pinakadamo nga mga duog sa Biblia. Palig-una ang tanan nga gamiton sing maayo ang “See the Good Land.”
Ambahanon 63 kag nagatakop nga pangamuyo.
Semana sang Marso 22
10 min: Lokal nga mga pahibalo. Report sa kuenta. Pahanumduma ang tanan nga sundon ang iskedyul sa pagbasa sing Biblia para sa Memoryal sa Marso 30–Abril 4, subong sang ginbalay sa Pag-usisa sa Kasulatan sa Adlaw-adlaw—2004 kag sa 2004 Calendar.
15 min: Lokal nga mga kinahanglanon.
20 min: “Ang Pagsalakay Sang mga Manugkabayo nga Nagaapektar sa Imo.”b Basaha kag hinun-anuni ang ginsambit nga mga teksto kon may tion pa.
Ambahanon 181 kag nagatakop nga pangamuyo.
Semana sang Marso 29
10 min: Lokal nga mga pahibalo. Nagagamit sing mga panugda sa pahina 4, isa ka pasundayag ang himuon kon paano ipresentar ang Abril 1 nga Ang Lalantawan kag isa naman sa Abril 8 nga Magmata!
15 min: Gamita Sing Maayo ang 2004 Yearbook. Pamulongpulong kag paghinun-anon upod sa tumalambong. Sambita ang dalagku nga mga punto gikan sa “A Letter From the Governing Body,” ang talalupangdon nga kadamuon gikan sa bug-os kalibutan nga report, kag ang pila ka makapalig-on nga mga eksperiensia.
20 min: Ang Kamatuoran Nagahiusa sa mga Pamilya. Pamulongpulong kag paghinun-anon upod sa tumalambong. Kon kaisa ang mga interesado nagapangalag-ag sa pag-alagad kay Jehova bangod sa pagpamatok sang ila mga paryente. Isaysay ang pila sa masunod nga mga eksperiensia: Enero 1, 2002, Lalantawan, pahina 4-15; Disiembre 1, 2002, Lalantawan, pahina 8; Septiembre 1, 1999, Lalantawan, pahina 32; Enero 1, 1999, Lalantawan, pahina 4; kag Pebrero 22, 1998, Awake!, pahina 31. Ipadaku nga masami nagauswag ang pagkabuhi sang pamilya kon ginaaplikar sang bisan isa lang ka katapo sini ang mga prinsipio sang Biblia.
Ambahanon 130 kag nagatakop nga pangamuyo.
Semana sang Abril 5
10 min: Lokal nga mga pahibalo. Ilakip ang “Isa ka Paagi nga Mabuligan Sila.”
20 min: Ang Pisikal nga Katinlo Nagarekomendar sa Aton. Pamulongpulong pasad sa Hunyo 1, 2002, Lalantawan, pahina 19-21. Ilakip ang isa ka pasundayag nga ginapakita sang isa ka gulang sa isa ka payunir kon paano mabuligan sing mataktikanhon ang isa ka estudyante sa Biblia nga mahangpan ang importansia sang paghupot sa iya puluy-an kag ugsaran sini nga matinlo, nga nagagamit sing leksion 9, parapo 5, sang Ginapatuman nga brosyur.
15 min: Isugid ang mga eksperiensia nga natigayon may kaangtanan sa pagsaulog sa Memoryal kag sa ginpasangkad nga hilikuton sa Marso.
Ambahanon 25 kag nagatakop nga pangamuyo.
Mga nota]
a Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
b Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.