Iskedyul sa Miting sa Serbisyo

Semana sang Mayo 10

Ambahanon 193

10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Gamita ang mga panugda sa pahina 4 sa pagpasundayag kon paano ipresentar ang Mayo 15 nga Ang Lalantawan kag ang Mayo 22 nga Awake! Sa kada presentasyon, ipasundayag ang tuhay nga paagi sa pagsabat sang balibad nga “May relihion na ako.”​—Tan-awa ang libro nga Reasoning, pahina 18-​19.

15 min: Paghinun-anon sang manugtatap sa pag-alagad sa mga punto sa “Pamangkot.” Ipadaku nga indi naton luyag nga maghatag sing impresyon nga nagapangayokayo kita sing mga amot sa publiko. Palig-una ang tanan sa kongregasyon nga sakdagon gid ang bug-os kalibutan nga hilikuton paagi sa regular nga mga amot.

20 min: ‘Magpasangkad.’a Ilakip ang mga komento sa libro nga Simbaha ang Dios, pahina 150, parapo 14.

Ambahanon 18 kag nagatakop nga pangamuyo.

Semana sang Mayo 17

Ambahanon 188

10 min: Lokal nga mga pahibalo.

15 min: “Ipakita ang Imo Pagpasalamat.”b Kon ginatugot sang tion, agdaha ang mga tagpalamati nga magkomento sa ginsambit nga mga teksto. Kon nagahinun-anon sa parapo 3, pakomentuha ang isa ukon duha ka bag-o lang mag-auxiliary payunir tuhoy sa mga pagpakamaayo nga ila naagom sa paghimo sini.

20 min: Nagaulikid Kita sa Isa kag Isa. (1 Cor. 12:25, 26) Pamulongpulong kag paghinun-anon upod sa tumalambong pasad sa libro nga Aton Ministeryo, pahina 157-9, sa idalom sang subtitulo nga “Pag-ulikid sa Isa kag Isa.” Bisan pa nga nagapuyo ang katawhan ni Jehova sa tanan nga bahin sang duta, suod kita nga nahiusa. Tanan kita dapat mangamuyo para sa aton mga kauturan adlaw-adlaw. Maabtik man kita sa paghatag sing materyal nga bulig kon mag-utwas ang emerhensia nga pagkinahanglan. Basaha kag hinun-anuni ang yabi nga mga teksto, kag ilakip ang isa ukon duha ka eksperiensia gikan sa aton mga publikasyon.

Ambahanon 100 kag nagatakop nga pangamuyo.

Semana sang Mayo 24

Ambahanon 128

12 min: Lokal nga mga pahibalo. Report sa kuenta. Ipasundayag kon paano ipresentar ang Hunyo 1 nga Ang Lalantawan kag ang Hunyo 8 nga Magmata! Ipasibu ang tagsa ka presentasyon agod sarang maganyat ang may relihion sa inyo duog.

15 min: “Makapaumpaw nga Ambahanon.” Pamulongpulong kag paghinun-anon upod sa tumalambong. Ilakip ang mga komento sa 2002 Yearbook, pahina 175, kag ang Pebrero  1, 1997, nga Ang Lalantawan, pahina 27, parapo 1-2. Ipatalupangod ang katapusan nga bahin sang Mga Pahibalo tuhoy sa Kingdom Melodies No. 9 sa audiocassette.

18 min: Maghanda sa Pagpanaksi Sing Di-pormal. Pamulongpulong kag paghinun-anon upod sa tumalambong pasad sa Hunyo 2003 nga Ang Aton Ministeryo sa Ginharian, pahina 3. Pahandaa sing abanse ang pila nga isugid ang ila mga eksperiensia sa pagpanaksi sing di-pormal. Ipasundayag sing malip-ot kon paano gamiton sa pagpanaksi sing di-pormal ang tract nga Luyag Mo Bala Madugangan ang Imo Nahibaluan sa Biblia? kag ang polyeto nga Maayong Balita Para sa Tanan nga Pungsod.

Ambahanon 211 kag nagatakop nga pangamuyo.

Semana sang Mayo 31

Ambahanon 26

8 min: Lokal nga mga pahibalo. Pahanumduma ang mga manugbantala nga ihatag ang ila report sa Mayo.

17 min: Kabuhi​—Isa ka Dulot nga Dapat Pakabahandion. Paghinun-anon upod sa tumalambong pasad sa libro nga Reasoning, pahina 25-6. Ilakip ang mga komento sa Mayo 22, 1993, nga Awake!, pahina 10-​11. Paano mo ipaathag ang pagtamod ni Jehova tuhoy sa aborsion sa isa ka tawo nga nagabatyag nga ang isa ka babayi may kinamatarong sa pagpamat-od tuhoy sa mga butang nga nagahilabot sa iya kaugalingon nga lawas? Isaysay ang eksperiensia sa Enero 1, 2000, nga Ang Lalantawan, pahina 4, parapo 4-5.

20 min: “Pagtanyag Sing Magtuon Gikan sa Daku nga Manunudlo.” Itanyag naton ini nga publikasyon sa Hunyo. Ipadaku ang mga bahin sang libro nga ginalaragway sa pahina 7, parapo 1-3. Pakomentuha ang mga tagpalamati kon ano ang ila naluyagan sa sini. Repasuha ang ginpanugda nga mga presentasyon. Ipadaku kon paano gamiton ang mga retrato kon nagatanyag sang libro. Ipasundayag sang isa ka pamatan-on ang una nga presentasyon, kag isa naman ka hamtong sa isa pa.

Ambahanon 24 kag nagatakop nga pangamuyo.

Semana sang Hunyo 7

Ambahanon 136

10 min: Lokal nga mga pahibalo.

15 min: Lokal nga mga kinahanglanon.

20 min: Gamita ang Epektibo nga mga Ilustrasyon sa Imo Panudlo. Pamulongpulong kag paghinun-anon upod sa tumalambong pasad sa Septiembre 1, 2002, nga Ang Lalantawan, pahina 22-4. Ano ang apat ka rason nga mangin epektibo ang isa ka ilustrasyon? Ngaa mas bentaha kon simple ang mga ilustrasyon? Diin naton masapwan ang epektibo nga mga ilustrasyon? Repasuha ang pila ka halimbawa sa kahon sa pahina 23, kag hinun-anuni kon ano ang naghimo sa tagsa ka ilustrasyon nga mangin epektibo.

Ambahanon 133 kag nagatakop nga pangamuyo.

[Mga nota]