Iskedyul sa Miting sa Serbisyo

Semana sang Marso 12

Ambahanon 153

10 min: Lokal nga mga pahibalo. Ipasundayag ang pagtanyag sang Marso 15 nga Ang Lalantawan kag ang Marso nga Magmata! nga nagagamit sang mga panugda sa pahina 4 ukon sang iban pa nga mga presentasyon nga bagay sa inyo teritoryo.

15 min: Kon ang Isa ka Hinigugma Magbiya kay Jehova. Pamulongpulong sang isa ka gulang pasad sa Septiembre 1, 2006 nga Lalantawan, pahina 17-21.

20 min: “Padayon Ninyo nga Himuon Ini Bilang Pagdumdom sa Akon.”a Kon nagabinagbinag sang parapo 3, ilakip ang mga komento gikan sa Marso 2006 nga Ang Aton Ministeryo sa Ginharian, pahina 1, parapo 3, kon paano gamiton ang Ginatudlo Sang Biblia nga libro sa pagpaathag sang pagsaulog sa Memoryal sa mga interesado nga ginaagda naton.

Ambahanon 168 kag pangamuyo.

Semana sang Marso 19

Ambahanon 45

10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Repasuha ang panguna nga mga punto sa kahon nga “Mga Pahanumdom sa Memoryal” sa pahina 3.

20 min: Mga Paagi nga Mapasangkad Mo ang Imo Ministeryo. Pamulongpulong kag paghinun-anon upod sa tumalambong pasad sa kapitulo 10 sang Organisado sa Paghimo Sang Kabubut-on ni Jehova.

15 min: “Ano ang Imo Sabat?”b Maghatag sing malip-ot nga pasundayag kon paano gamiton ining bahin sang magasin sa pangpamilya nga pagtuon.

Ambahanon 216 kag pangamuyo.

Semana sang Marso 26

Ambahanon 115

10 min: Lokal nga mga pahibalo. Pahanumduma ang mga manugbantala nga ihatag ang ila report sa pag-alagad para sa Marso. Basaha ang report sa kuenta kag pasalamat sa mga donasyon nga nabaton. Ipasundayag ang pagtanyag sang Abril 1 nga Ang Lalantawan kag ang Abril nga Magmata! upod ang pinasahi nga imbitasyon sa Memoryal nga nagagamit sang mga panugda sa pahina 4 ukon sang iban pa nga mga presentasyon nga bagay sa inyo teritoryo.

15 min: Lokal nga mga kinahanglanon.

20 min: Ano ang Dapat Ko Himuon sa Akon Kabuhi? Pamulongpulong pasad sa Hulyo 2006 nga Magmata, pahina 23-5. Ilakip ang interbyu sa isa ukon duha ka utod nga nagsulod gilayon sa bug-os tion nga pag-alagad pagkagradwar nila sa hayskul. Ngaa ginpili nila ang bug-os tion nga pag-alagad? Ano nga mga pagpakamaayo ang ila naagom?

Ambahanon 148 kag pangamuyo.

Semana sang Abril 2

Ambahanon 177

10 min: Lokal nga mga pahibalo. Repasuha ang imbitasyon nga masapwan sa likod nga hapin sang Abril 1, 2007 nga Ang Lalantawan, kag palig-una ang mga manugbantala nga agdahon ang interesado nga mga tawo sa pinasahi nga pamulongpulong nga ihatag sa Abril 15.

20 min: Padayon nga Buligi ang mga Nagtambong sa Memoryal. Pamulongpulong sang isa ka gulang. Ipahibalo kon pila ang nagtambong sa Memoryal sa inyo kongregasyon, kag ihatag ang pagbanabana kon mga pila sa sini ang interesado nga mga tawo. Isaysay kon may maayo nga mga eksperiensia tuhoy sa mga nagbaton sang pinasahi nga imbitasyon sa Memoryal ukon nagpalapit sa mga attendant pagkatapos sang programa agod mangabay sing isa ka pagtuon sa Biblia. Maghatag sing panugda kon paano maghatag sing dugang nga espirituwal nga bulig sa mga nagtambong. (Tan-awa ang km 3/06, p. 1, par. 5; km 2/05, p. 4, par. 9; km 2/04, p. 5, par. 16.) Palig-una ang mga manugbantala nga tatapon sa gilayon ining mga interesado.

15 min: Gamita Sing Maayo ang 2007 Tuigan nga Libro. Pamulongpulong kag paghinun-anon upod sa tumalambong. Repasuha ang panguna nga mga punto sa “Sulat Halin sa Nagadumala nga Hubon.” Ipatalupangod ang talalupangdon nga mga hitabo gikan sa “Bug-os Kalibutan nga Report.” Himusa sing abanse nga magsaysay ang pila sing mga report kag mga eksperiensia nga nasapwan nila nga makapalig-on kag makapabakod sang pagtuo. Palig-una ang mga pamilya nga basahon ang bug-os nga libro sing amat-amat sa bug-os nga tuig. Magpanugda sing mga paagi nga magamit naton ang libro sa pagtuytoy sa mga bag-uhan sa organisasyon ni Jehova kag sa pagpalig-on sa ila nga magtambong sa mga miting.

Ambahanon 179 kag pangamuyo.

[Mga Nota]