Iskedyul Sa Miting Sa Serbisyo

Semana sang Marso 10

Ambahanon 131

10 min: Lokal nga mga pahibalo. Ipasundayag kon paano itanyag ang Marso 1 nga Ang Lalantawan kag ang Marso nga Magmata! lakip ang imbitasyon sa Memoryal nga nagagamit sang mga panugda sa pahina 4 ukon sang iban nga presentasyon nga bagay sa inyo teritoryo.

20 min: Ngaa Dapat Kita Magtambong? Pamulongpulong kag paghinun-anon upod sa tumalambong pasad sa Mayo 15, 2007, nga Ang Lalantawan, pahina 11-13. Pakomentuha ang tumalambong kon paano sila nakabenepisyo sa pagtambong sa mga miting sa kongregasyon kag kon paano nila nalandas ang mga problema agod makatambong sila sing regular.

15 min: “May Mahatag Kita kay Jehova.”a Kon may tion pa, pakomentuha ang mga tumalambong sa mga teksto sa artikulo.

Ambahanon 8

Semana sang Marso 17

Ambahanon 144

10 min: Lokal nga mga pahibalo. Pahanumduma ang mga tumalambong nga dal-on nila ang Abril 1 nga Ang Lalantawan kag ang Abril nga Magmata! sa masunod nga semana kag mangin handa sa pagbinagbinag sang nagakaigo nga mga pasundayag para sa teritoryo. Pinili nga Mga Pahibalo gikan sa Ang Aton Ministeryo sa Ginharian.

15 min: “Pamangkot.” Dumalahan sang isa ka gulang. Basaha kag binagbinaga ang bug-os nga artikulo.

20 min: “Paano Naton Buligan ang mga Tumalambong sa Memoryal?”b Kon ginabinagbinag ang parapo 5, dapat may malip-ot nga pasundayag kon paano magsugod sing pagtuon sa Biblia sa bisita nga nagtambong sa Memoryal.

Ambahanon 214

Semana sang Marso 24

Ambahanon 111

10 min: Lokal nga mga pahibalo. Basaha ang report sa kuenta kag ang mga pasalamat sa donasyon.

15 min: Maghanda sa Pagtanyag sing Bag-o nga mga Magasin. Paghinun-anon upod sa tumalambong. Pagkatapos nga masumaryo ang Abril 1 nga Ang Lalantawan, kag Abril nga Magmata! pamangkuta ang tumalambong kon ano nga mga artikulo ang makapainteres sa mga tawo sa teritoryo kag ngaa. Agdaha ang tumalambong nga maghatag sing mga panugda kon ano nga mga punto sa artikulo ang luyag nila ipresentar. Ano ang mahimo nila ipamangkot agod masugdan ang paghambalanay? Ano nga teksto sa artikulo ang mahimo nila dayon basahon? Ginagamit ang presentasyon nga ginpanugda para sa inyo teritoryo, ipasundayag kon paano itanyag ang Abril 1 nga Ang Lalantawan kag ang Abril nga Magmata!

20 min: Nagadala Kita sing Maayong Balita Tuhoy sa Butang nga Maayo Pa. Pagkatapos sang introduksion nga kubos sa isa ka minuto, ang gulang magahatag sing pamulongpulong pasad sa Hulyo 1, 2005, nga Ang Lalantawan, pahina 18-19, parapo 10-14. Pasugira ang mga tumalambong kon paano ang mensahe sang Ginharian naghatag sa ila sing lugpay kag paglaum sang una nila ini mabatian.

Ambahanon 29

Semana sang Marso 31

Ambahanon 37

10 min: Lokal nga mga pahibalo. Pahanumduma ang mga manugbantala nga ihatag ang ila report sa pag-alagad para sa Marso.

20 min: Gamita sing Maayo ang 2008 Tuigan nga Libro. Pamulongpulong kag paghinun-anon upod sa tumalambong. Binagbinaga ang “Sulat Halin sa Nagadumala nga Hubon” sa pahina 3-5. Pasaysaya ang duha ukon tatlo ka tumalambong sang eksperiensia gikan sa Tuigan nga Libro nga nakapalig-on gid sa ila. Himusa sing abanse nga magsaysay ang isa ukon duha ka manugbantala kon ano ang ila iskedyul sa pagbasa sing Tuigan nga Libro. Maghinakop paagi sa pagpalig-on sa tanan nga basahon ang bug-os nga libro.

15 min: “Magpalig-unanay Samtang Nagaministeryo.”c

Ambahanon 122

Semana sang Abril 7

Ambahanon 186

10 min: Lokal nga mga pahibalo.

20 min: Ngaa Nagapalantang Ka sa Pagpabawtismo? Pamulongpulong sang isa ka gulang pasad sa Hulyo 1, 2006, nga Ang Lalantawan, pahina 29-30, parapo 14-17. Interbyuha sing makadali ang isa ukon duha ka manugbantala nga ginbawtismuhan sang tin-edyer sila. Ano ang nagpahulag sa ila nga himuon ining importante nga tikang bisan bata pa sila? Paano ang ila pagpabawtismo nagbulig sa ila nga maghamtong sa espirituwal kag paano ini nangin pangamlig sa ila?

15 min: Natilawan Mo Na Bala ang Direkta nga Pagpalapit? Pamulongpulong kag paghinun-anon upod sa tumalambong pasad sa suplemento sang Mayo 2002 nga Ang Aton Ministeryo sa Ginharian pahina 6. Binagbinaga ang sampol nga presentasyon kag gamita ini sa pagsugod sa pagtuon sa Biblia nga ginagamit ang libro nga Ginatudlo Sang Biblia. Nian ipasundayag ini sang isa ukon duha ka manugbantala. Palig-una ang tumalambong nga sa masunod nga semana tilawan nila bisan makaisa lang anay ang direkta nga pagpalapit sa pag-umpisa sa pagtuon sa Biblia nga ginagamit ang libro nga Ginatudlo Sang Biblia.

Ambahanon 225

[Mga Footnote]