Kon Ano ang Isiling Tuhoy sa mga Magasin

Ang Lalantawan Nobiembre 1

“Sa banta mo, interesado ayhan ang mga anghel sa aton mga ginahimo? [Tuguti sia sa pagsabat.] May makawiwili nga ginsiling ang Biblia. [Basaha ang Lucas 15:10.] Ginabinagbinag sini nga artikulo ang ginsiling ni Jesus kon paano makaapektar sa aton ang espiritu nga mga tinuga.” Ipakita ang artikulo sa pahina 16.

Magmata! Nobiembre

Basaha ang 2 Timoteo 3:16. Nian magsiling: “Nagaugyon ka bala kag nagapati nga masaligan naton ang tanan nga ginasiling sang Biblia? [Tuguti sia sa pagsabat.] Ginabinagbinag sini nga artikulo kon bala nagahisanto ang arkeolohiya kag sekular nga kasaysayan sa ginasiling sang Biblia parte sa dumaan nga Egipto.” Ipakita ang artikulo sa pahina 15.

Ang Lalantawan Disiembre 1

“Madamo nga tawo ang nagapati nga may espiritu nga mga tinuga nga mahimo makaimpluwensia sa aton kabuhi. Ano sa banta mo? [Tuguti sia sa pagsabat. Nian basaha ang Bugna 12:7-9.] Ginapakita sini nga magasin ang ginasiling sang Biblia parte sa espiritu nga mga tinuga, kon paano sila nagaimpluwensia sa aton, kag kon bala mapakig-angutan naton sila.”

Magmata! Disiembre

“Kabalo ka bala kon ngaa ginaselebrar ang Krismas sa Disiembre 25 samtang wala naman ginsiling sa Biblia kon san-o natawo si Jesus? [Tuguti sia sa pagsabat.] Suno sa sini nga bersikulo, wala natawo si Jesus sa tion sang tigtulugnaw. [Basaha ang Lucas 2:8.] Ginasugid sini nga magasin ang ginhalinan sang mga kustombre sa tion sang Krismas.”