Kon Ano ang Isiling Tuhoy sa mga Magasin

Ang Lalantawan Pebrero 1

“Kalabanan sa aton may relihion na. Sa banta mo importante ayhan sa Dios kon paano naton sia simbahon? [Tuguti sia sa pagsabat. Nian basaha ang Mateo 15:9.] Ginabinagbinag sini nga artikulo ang apat ka butang nga ginhimo ni Jesus nga nagapakilala sang matuod nga relihion.” Ipakita ang artikulo sa pahina 16.

Magmata! Pebrero

“Ang pila nagapati nga may Manunuga, pero ang iban nagabatyag nga ini nga pagpati wala sing ebidensia kag indi rasonable. Ano sa banta mo? [Tuguti sia sa pagsabat.] Suno sa Biblia, may basihan ang matuod nga pagtuo. [Basaha ang Hebreo 11:1.] Ginabinagbinag sini nga artikulo ang mga pamatuod nga may yara gid sing Manunuga.” Ipakita ang artikulo sa pahina 22.

Ang Lalantawan Marso 1

“Ginatamod mo bala ang Biblia subong Pulong sang Dios, ukon isa lamang ka manami nga libro? [Tuguti sia sa pagsabat.] Talupangda ang ginasiling mismo sang Biblia. [Basaha ang 2 Timoteo 3:16, 17.] Ginapaathag sini nga magasin kon paano ka makahimo sing husto nga desisyon kag kon ngaa dapat mo ini himuon.”

Magmata! Marso

“Pareho sang kalabanan nga tawo, mahimo nga nagadayaw ka gid sa katahom sang kinaugali. Magaugyon ka bala nga nagapakita man ini sing maalamon nga mga desinyo? [Tuguti sia sa pagsabat. Nian basaha ang Salmo 104:24.] Ginapakita sini nga magasin ang makawiwili nga mga desinyo nga masapwan sa mga tinuga kag ginapaathag sini kon ano ang ginatudlo sini sa aton.”