Young People Ask—What WillI Do With My Life? (Bahin 2)
Sa main menu sang video nga Young People Ask—What Will I Do With My Life? pilia ang Interviews, dayon ang Sections. Pagkatapos nga matan-aw ang tatlo ka seksion, sabta ang mga pamangkot sa parapo 2. Dayon sa main menu pilia ang Supplementary Material kag tan-awa ang lima ka dugang nga interbyu. Nian sabta ang mga pamangkot sa parapo 3.
Sections—Dedication to Vain Pursuits or to God: (1) Ginaipit ang mga pamatan-on nga lab-uton ang ano nga mga tulumuron? (2) Paano ang 1 Juan 2:17 makabulig sa mga pamatan-on nga magdesisyon kon ano nga sahi sang edukasyon ang ila pilion? (3) Ngaa indi naton dapat pagtugutan ang kahadlok nga magpugong sa aton nga magpabawtismo? (4) Ano ang pila ka butang nga makabulig sa aton para makalipikar sa bawtismo? Learning to Enjoy Your Ministry: (5) Ngaa wala nalipay ang iban sa pagministeryo? (6) Ano ang pila ka butang nga makabulig sa aton? (7) Luwas sa mga indi kakilala, kay sin-o pa gid nahadlok ang iban nga makig-istorya, kag ngaa? (8) Paano naton malandas ang aton kahadlok kag mangin maisog sa pagpakig-istorya? (9) Ngaa importante man nga pauswagon ang iban pa nga ikasarang sa ministeryo? An Open Door to Service: (10) Paano ang pagpayunir nagabulig para mapauswag ang aton espirituwalidad? (Fil. 3:16) (11) Ngaa nagapangalag-ag ang iban nga magpayunir? (12) Ano nga mga prinsipio sa Biblia ang makabulig sa aton nga malandas ang kabalaka sa pinansial? (13) Ano ang ginhimo sang iban para masuportahan ang ila pagpayunir? (14) Ano ang imo mahimo kon wala ginatugot sang imo kahimtangan ang pagpayunir?
Supplementary Material—The Value of Personal Study: (15) Ngaa importante ang regular nga personal nga pagtuon? Alternative Witnessing (ginatawag subong nga pangpubliko nga pagpanaksi): (16) Paano ang pagpakigbahin sa lainlain nga porma sang pagpanaksi makadugang sa aton kalipay? Bethel Service: (17) Ano ang pila ka makalilipay nga buluhaton sa Bethel? Ministerial Training School (ginatawag subong nga Bible School for Single Brothers): (18) Paano nakabenepisyo ang mga nakaeskwela sa sini nga eskwelahan? Gilead Missionary Training: (19) Paano naghanda sanday Peter kag Fiona sa pagmisyonero, kag paano sila nakabenepisyo sa Gilead?