Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Septiembre

“Nagabisita kami sing makadali para ipaambit ang masaligan nga bulig agod magmalipayon ang pag-asawahay. Sa banta mo ano ang makaupang sa kalipay sang mag-asawa?” [Tuguti sia nga magsabat.] Ipakita ang likod sang Septiembre 1 nga Lalantawan, kag binagbinaga ninyo ang una nga pamangkot kag bisan ang isa lang sa ginsambit nga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Septiembre 1

“Nagabisita kami bangod madamo nga tawo ang nagapalibog kon ngaa gintugutan sang Dios ang tuman nga pag-antos. Napamensaran mo man bala ini? [Tuguti sia nga magsabat.] Makalilipay ang promisa sang Biblia nga magaabot ang tion nga dulaon ang kasubo kag kasakit. [Basaha ang Bugna 21:4.] Ini nga magasin nagabinagbinag sang lima ka panguna nga kabangdanan sang tuman nga pag-antos. Ginapakita man sini ang ginasiling sang Biblia kon paano dulaon sang Dios ang pag-antos.”

Magmata! Septiembre

“Ari kami diri subong para magsugid parte sa isa ka popular nga selebrasyon, ang Halloween. Ang iban wala nagaselebrar sini bangod sa mga paandam pareho sang mabasa sa Biblia sa Levitico 19:31. [Basaha.] Ang iban wala nagapati sa gamhanan nga mga espiritu, kag nagaselebrar sila sang Halloween kay nasadyahan lang sila. Ano ang masiling mo sa sini nga selebrasyon? [Tuguti sia nga magsabat.] Ginasugid sini nga magasin ang malaut nga ginhalinan sang Halloween.”