Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Septiembre

“Ang mga tawo halin sa lainlain nga rasa kag relihion nagapangamuyo adlaw-adlaw. Sa banta mo, ginapamatian bala sang Dios ang tanan nga pangamuyo?” Tuguti sia nga magsabat. Dayon idaho sa iya ang Septiembre 1 nga Lalantawan kag binagbinaga ninyo ang una nga parapo sa idalom sang una nga subtitulo sa pahina 16 kag ang isa ukon kapin pa sa ginsambit nga mga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Septiembre 1

Ipakita ang panghapin sang magasin, dayon magsiling: “Ano ang imo sabat sa sini nga pamangkot? [Tuguti sia nga magsabat.] Talupangda kon ano ang ginasiling sang Biblia. [Basaha ang 1 Juan 5:19.] Suno sa teksto, ang nagagahom sa kalibutan amo ang ‘isa nga malauton,’ ukon ang Yawa. Pero ang pamangkot, Diin naghalin ang Yawa? Matuod bala sia nga persona? Daw ano kalawig nga tugutan sia sang Dios nga maggahom? Ginapakita sini nga magasin kon ano ang ginasiling sang Biblia.”

Magmata! Septiembre

“Madamo sa karon ang ginabudlayan bangod sa mga problema sa kuarta. Ngaa sa banta mo kabudlay gid magbadyet? [Tuguti sia nga magsabat.] Ang Biblia nagahatag sing mapuslanon nga mga laygay nga nakabulig sa madamo kon paano gamiton sing maalamon ang kuarta. [Basaha ang isa sa mga teksto sa pahina 8-9.] Ini nga magasin nagahatag sing praktikal nga mga suhestyon para sa mga nalubong sa utang.”