Sampol nga mga Presentasyon

Kingdom News Num. 38

“Nagapakigbahin ako sa pagpanagtag sining importante nga mensahe sa bilog nga kalibutan. Ari ang imo kopya.”

Patalupangod: Para matuptupan ang teritoryo, himua nga malip-ot ang imo presentasyon. Pero kon interesado gid ang tagbalay kag luyag niya makig-istorya, pamangkuta sia kon ano ang iya masiling sa pamangkot sa tig-ulo. Dayon, basaha sa iya ang sabat sang Biblia nga makita sa sulod, kag binagbinaga ang isa ka bahin sang tract kon may tion pa. Antes maghalin, ipakita sa iya ang pamangkot sa likod sa idalom sang “Binagbinaga” kag maghimo sing kahimusan nga magbalik agod binagbinagon ini.

Ang Lalantawan Enero 1

“Nagaduaw kami sing malip-ot para ipakig-istorya ang isa ka butang nga nagaapektar sa aton tanan—ang kamatayon sang aton hinigugma. Magaugyon ka bala nga ang kamatayon sang isa ka suod nga abyan ukon pamilya mabudlay gid atubangon? [Tuguti sia nga magsabat.] Madamo ang nalugpayan sining teksto sa Biblia. [Basaha ang Isaias 25:8.] Ini nga magasin nagabinagbinag sa makapalig-on nga saad sang Biblia nga dulaon ang kamatayon kag banhawon ang aton mga hinigugma.”

Magmata! Enero

“Nagapati ka man bala nga madamo sing problema ang mga pamilya subong? [Tuguti sia nga magsabat.] Ining hulubaton sa Biblia nagasugid kon ano ang kinahanglanon para mangin mabakod ang pamilya. [Basaha ang Hulubaton 24:3.] Napamatud-an sang madamo nga ang Biblia nagaunod sing masaligan nga kaalam. Ginapakita sini nga magasin ang isa ka pinasahi kag base sa Biblia nga Web site nga may libre nga mga galamiton para buligan ang mga pamilya.”