Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Mayo

“Sa banta mo ngaa gintugutan sang Dios ang kalautan kag pag-antos? [Tuguti sia nga magsabat.] May gusto ko ipakita sa imo parte sa sini nga topiko nga kabalo ko manamian ka gid.” Basaha ninyo ang una nga parapo sa idalom sang una nga subtitulo sa pahina 16 sang Mayo 1 nga Lalantawan kag ang isa sa ginsambit nga mga teksto. Itanyag ang magasin, kag maghimo sing kahimusan nga magbalik para binagbinagon ang sabat sa masunod nga pamangkot.

Ang Lalantawan Mayo 1

Basaha ang Salmo 37:10, 11. Dayon magsiling: “Sa banta mo, matabo gid ini ayhan sa ulihi? [Tuguti sia nga magsabat.] Ini nga magasin nagabinagbinag sing anom ka lainlain nga tagna sa Biblia nga nagakatuman na sa karon. Ini nga mga tagna nagapamatuod nga ang Salmo 37:10, 11 dali na lang gid matuman.”

Magmata! Mayo

“May nagasiling nga ang mga tawo naghalin sa mga sapat. Ano sa banta mo? [Tuguti sia sa pagsabat. Dayon basaha ang Salmo 139:14.] Siempre, limitado lang ang ihibalo sang salmista parte sa lawas sang tawo. Ginabinagbinag sini nga magasin kon ano na ang nahibaluan naton parte sa aton lawas, pati na ang mga rason kon ngaa lain gid kita sa mga sapat.”