Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Enero

“Gusto namon mabal-an ang imo opinyon. Sa banta mo may ngalan bala ang Dios? [Tuguti sia nga magsabat.] Talupangda kon ano ang ginasiling sini.” Ihatag sa tagbalay ang Enero 1 nga Lalantawan, ipakita ang artikulo sa likod, kag binagbinaga ninyo ang una nga subtitulo kag ang isa ukon kapin pa sa mga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Enero 1

“Madamo nga tawo ang nagaistorya parte sa katapusan sang kalibutan. Sa banta mo, dapat bala naton ini kahadlukan? [Tuguti sia nga magsabat.] Ginasiling diri nga may makaluwas. [Basaha ang 1 Juan 2:17.] Ini nga magasin nagapakita sang sabat sang Biblia sa apat ka pamangkot sang mga tawo parte sa katapusan sang kalibutan.”

Magmata! Enero

“Nakabisita kami bangod may importante kami nga mensahe para sa mga pamilya. Sa banta mo importante ayhan nga sundon sang mga pamilya ang ginhambal diri ni Jesus? [Basaha ang Binuhatan 20:35b. Dayon tuguti sia nga magsabat.] Mabudlay ang pagtudlo sa mga bata nga magkonsiderar sa iban ilabi na sa palibot nga ang mga tawo nagauna pirme sang ila kaugalingon. Ini nga magasin nagahatag sing pila ka praktikal nga paagi kon paano matudluan sang mga ginikanan ang ila kabataan nga mangin makonsiderasyon.”