Sampol nga mga Presentasyon

Ang Lalantawan Pebrero 1

“Nagapanagtag kami sini nga tract sa tanan nga tawo sa inyo lugar. Nagapaathag ini sang kapuslanan sang Biblia. Ari ang imo kopya. [Ihatag sa tagbalay ang tract nga Ano ang Biblia Para sa Imo?] Ang iban nagahunahuna kon bala ang Biblia may praktikal nga laygay nga makabulig sa ila trabaho. Talupangda ang ginasiling sini nga teksto parte sa trabaho. [Basaha ang Manugwali 3:13.] Ginapaathag sini nga magasin ang pila ka prinsipio sa Biblia nga makabulig sa aton nga mangin malipayon sa aton trabaho. Ari ang imo kopya para mabasa mo.”

Magmata! Pebrero

“Nagabisita kami sing makadali para ihatag sa imo ang bag-o nga Magmata! Nagabinagbinag ini sang sabat sa sini nga pamangkot. [Ipakita ang kober.] Gusto ko hibaluon ang imo opinyon sa halimbawa nga ginsambit sa sini nga magasin. [Basaha ang Hulubaton 29:11.] Sa banta mo, praktikal pa bala subong ini nga prinsipio sa Biblia? [Tuguti sia nga magsabat.] Ginabinagbinag sini nga magasin ang apat ka prinsipio sa Biblia kag ginapaathag kon paano kita makabenepisyo sa pag-aplikar sini.”