Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Pebrero

“Nagahunahuna ang iban nga ang Yawa amo ang rason sang kalautan sa kalibutan. Pero nagapalibog sila: ‘Diin naghalin ang Yawa? Gintuga bala sia sang Dios?’ Ano sa banta mo? [Tuguti sia nga magsabat.] Tan-awa bala kon ano ang ginasiling diri.” Ipakita ang artikulo sa likod sang Pebrero 1 nga Lalantawan, kag binagbinaga ang una nga parapo kag ang ginsambit nga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Pebrero 1

“Ano ang masiling mo kon mabatian mo ang ngalan nga Moises, ang tawo nga ginapadunggan gid sang mga Cristiano, Judiyo, kag Muslim? [Tuguti sia nga magsabat.] Bisan pa nakahimo sia sing mga sala, kanami gid sang ginsiling sang Biblia parte kay Moises. [Basaha ang Deuteronomio 34:10-12.] Ginabinagbinag sini nga magasin ang iya tatlo ka maayo nga kinaiya kag kon paano naton sia mailog.”

Magmata! Pebrero

“Madamo subong ang nagasaylo sa iban nga pungsod para mangin mas maayo ang ila kabuhi. Sa banta mo nangin maayo gid man bala ang ila kabuhi? [Tuguti sia nga magsabat.] Talupangda ang ginasiling sang una nga tulun-an sang Biblia parte sa mga tawo nga nagsaylo sa iban nga lugar. [Basaha ang Genesis 46:5, 6.] Binagbinagon sini nga magasin ini nga mga pamangkot.” Ipakita sa tagbalay ang mga pamangkot sa katapusan sang pahina 6.