Pagpauswag sang Aton mga Ikasarang sa Ministeryo—Pagsugod sang Pagtuon sa Biblia sa Ganhaan nga Ginagamit ang Maayong Balita Halin sa Dios! nga Brosyur
Kon Ngaa Importante: Agod makahimo sang disipulo, dapat kita mangin manunudlo sang Pulong sang Dios. (Mat. 28:19, 20) Tanan kita mahimo makatudlo sang kamatuoran sing epektibo paagi sa mga gamit nga gin-aman sa aton. Ang Maayong Balita Halin sa Dios! nga brosyur gindesinyo gid agod buligan kita nga tudluan sing kamatuoran ang iban. Mahimo pa gani naton ini magamit sa pagsugod sang pagtuon sa Biblia sa tagbalay sa una nga pagduaw bisan sa ganhaan lang.
Tilawi Ini sa Sini nga Bulan:
Ipangamuyo nga maglambo ang imo handum nga makahiwat sang pagtuon. Ipangabay man kay Jehova nga buligan ka nga makasugod sang pagtuon sa Biblia kag mangin epektibo nga manunudlo sang kamatuoran.—Fil. 2:13.
Sa tion sang pangpamilya nga pagsimba ukon personal nga pagtuon, ipatudok sa imo tagipusuon ang presentasyon. Paagi sini, makahambal ka nga may kombiksion sa ministeryo kag makasugod sang pagtuon sa Biblia sa ganhaan.