Kon Bata ang Maatubang sa Imo

Kon sa aton pagpamalaybalay bata ang maatubang sa aton, dapat naton sia hambalon nga gusto naton maistorya ang iya mga ginikanan. Pagpakita ini sang pagtahod sa pagkaulo sang mga ginikanan. (Hul 6:20) Kon pasudlon kita sang bata sa ila balay, indi kita magsulod. Kon wala ang iya mga ginikanan, mabalik na lang kita sa iban nga tion.

Kon daku na ang bata, ayhan tin-edyer na, dapat gihapon sia hambalon nga gusto naton maistorya ang iya mga ginikanan. Kon wala sila, pamangkuton naton sia kon bala ginapasugtan sia sang iya mga ginikanan nga magpili sang iya balasahon. Kon ginapasugtan sia, tanyagan naton sia sang aton literatura kag itudlo sa iya ang jw.org.

Kon nagaduaw liwat sa isa ka tin-edyer nga interesado, hambalon naton sia nga gusto naton maistorya ang iya mga ginikanan. Sa sini nga paagi, mapaathag naton kon ngaa nagkadto kita kag mapakita sa ila ang masaligan nga laygay sang Biblia para sa mga pamilya. (Sa 119:86, 138) Ang aton pagpakita sing respeto kag konsiderasyon sa mga ginikanan mangin isa ka maayo nga panaksi kag magahatag sa aton sing dugang nga kahigayunan para masugid ang maayong balita sa ila pamilya.—1Pe 2:12.