Padayon nga Gamita ang mga Magasin

Halin sang 2018, ang aton pangpubliko nga mga magasin may isa lang ka topiko kada isyu. Makita ini tanan sa aton Teaching Toolbox. Gani mahimo naton ini gamiton sa pagministeryo. Puede man nga magdala kita sing pila ka isyu kon nagalagaw ukon nagapamalaklon. Wala gindesinyo ang mga magasin para tun-an ang Biblia upod sa iban, pero makapukaw ini sang ila interes parte sa Dios.

Kon masugdan mo na ang pag-istoryahanay, ipaambit ang isa ka teksto kag sambita ang topiko sang magasin nga sa banta mo makapainteres sa tawo. Halimbawa, kon may pamilya sia ukon ginasubuan ukon gina-stress, mahimo ka magsiling: “May nabasa ako nga artikulo parte sa sina nga topiko. Gusto mo makita?” Bisan una pa lang ninyo ini nga pag-istoryahanay, kag kon nakita mo nga interesado sia, puede mo sia hatagan sang kopya sang magasin ukon ipadala sa iya ang electronic copy. Indi naton panguna nga tulumuron ang pagpahamtang sang literatura, pero makabulig ang mga magasin nga makita ang mga handa mag-aplikar sang ila natun-an.—Bin 13:48.

2018

2019

2020