Isugid sa Iban ang Imo Natun-an

Sa kada tion nga nagatuon kita sang Biblia, nagabatyag kita sing kaumpawan. Pero mas maumpawan pa gid kita kon isugid naton sa iban ang aton natun-an. Ang Hulubaton 11:25 nagasiling: “Ang bisan sin-o nga nagapaumpaw sa iban paumpawan man.”

Kon isugid naton sa iban ang aton natun-an, mas madumduman kag mas maintiendihan naton ini. Kag bangod kabalo kita nga makabulig ini sa iban, nalipay kita nga isugid ini sa ila.​—Binu. 20:35.

Testingi ini: Sa masunod nga mga inadlaw, mangita sing kahigayunan nga masugid mo sa iban ang imo natun-an. Puede mo ini isugid sa imo pamilya, sa utod sa kongregasyon, sa imo upod sa obra, sa imo schoolmate, sa imo kaingod, ukon sa imo mabantalaan. Isugid ini sa ila sing simple kag maathag.

Tandai ini: Isugid sa iban ang imo natun-an para palig-unon sila, indi para dayawon ka nila.​—1 Cor. 8:1.