Kon Magtuon Ako sing Biblia sa mga Saksi ni Jehova, Dapat Bala Mangin Saksi Man Ako?
Indi, indi ka obligado nga himuon ina. Minilyon ang nagatuon upod sa amon nga wala man nangin miembro sang amon kongregasyon.a Ginabuligan lang namon ang mga tawo nga matun-an ang ginatudlo sang Biblia. Ikaw ang madesisyon kon ano ang himuon mo sa imo natun-an. Ang kada isa may kahilwayan kon parte sa pagtuo.—Josue 24:15.
Puede ko bala gamiton ang akon Biblia sa pagtuon?
Huo. Bisan pa ginagamit namon ang Bag-ong Kalibutan nga Badbad sang Balaan nga Kasulatan kag hatagan ka sing libre nga kopya kon gusto mo, wala problema kon gamiton mo ang imo kaugalingon nga Biblia. Matun-an mo ang mensahe sang Biblia parte sa paglaum kag kaluwasan sa bisan ano nga translation sang Biblia.
Ngaa ginatun-an ninyo ang mga tawo nga indi pareho sing relihion sa inyo?
Ang nagapahulag gid sa amon amo ang amon gugma kay Jehova nga Dios. Gusto niya nga itudlo sang mga Cristiano ang ila natun-an sa iban. (Mateo 22:37, 38; 28:19, 20) Para sa amon isa gid ka daku nga pribilehiyo nga mangin “masigkamanugpangabudlay sang Dios” sa pagbulig sa mga tawo nga matun-an ang ginatudlo sang iya Pulong.—1 Corinto 3:6-9.
Napahulag man kami sang amon gugma sa amon isigkatawo. (Mateo 22:39) Nalipay kami sa pagsugid sa iban sang manami nga mga butang nga amon natun-an.—Binuhatan 20:35.
a Para ipakita ang kadamuon sang nagatuon sing Biblia upod sa amon, sang ??? naghiwat kami sing ??? ka pagtuon sa Biblia kada bulan, madamo sa sini ang ginahiwat sing grupo sa kada pagtuon. Pero ??? lang ang nabawtismuhan bilang isa sa mga Saksi ni Jehova sina nga tuig.