Napalig-on ang Isa ka Pamatan-on

Sang talipuspusan sang isa ka tig-ilinit, nakilala ni Denise ang isa ka masigka “lifeguard” nga suno sa iya napatay ang iya iloy sang gamay pa sia kag ang iya amay bag-o lang mapatay. “Ginpadal-an ko sia sing regalo nga anum ka bulan nga suskripsion sa Awake! nga magasin,” paathag ni Denise. Pila ka bulan sang ulihi, nabaton ni Denise ang masunod nga sulat gikan sa iya:

“Nabasa ko ang nauna nga duha ka guwa sang Awake! kag ang duha sang mga artikulo nakabulig gid sa akon. Ang isa amo ang pagtigayon sing pagpalig-on kon mamatyan sing isa nga malapit sa imo, kag ang isa pa gid tuhoy sa mga paagi sa paglandas sa kapung-aw. Indi ko masugid sa imo kon daw ano ka daku ang nabulig sini sa akon. Ang naulihi nagbalikwat sang Filipos 4:7, ‘Ang paghidait sang Dios nga nagalabaw sa tanan nga panghunahuna magatipig sang inyo mga tagipusuon kag inyo mga panghunahuna paagi kay Cristo Jesus.’ Nahatagan gilayon ako sing bag-o nga paglaum sang mabasa ko ina. Salamat gid sa pagpasuskriber sa akon sa Awake!”

May kilala ka bala nga makabenepisyo gikan sa Awake! nga magasin? Ngaa indi magpadala sing regalo nga suskripsion. Mahimo mo ini paagi sa pagsulat lamang kag pagpadala sang kupon sa ubos, kag maglakip sing ₱50 upod sa kupon.

Palihug padalhi sing regalo nga isa ka tuig nga suskripsion sa Awake! ang masunod nga tawo, subong man sing sulat nga nagapaathag nga regalo ini gikan kay .................................. (ngalan mo). Naglakip ako sing ₱50.