Astrolohiya, Kaadlawan, kag ang Biblia

Suno sa mga awtor nga sanday ­Ralph kag Adelin Linton, ang astrolohiya kag mga kaadlawan may kaangtanan. Sila nagsiling sa ila libro nga The Lore of Birthdays: “Ang Mesopotamia kag Egipto, nga ginhalinan sang sibilisasyon, amo man ang una nga mga pungsod nga sa diin gindumdom kag ginpadunggan sang mga tawo ang ila mga kaadlawan. Ang paghupot sing rekord sang kaadlawan importante sang dumaan nga mga tion bangod ang petsa sang pagkabun-ag kinahanglanon para sa paghimo sing hor­o­scope.”

Matuod, ginhuptan man sang mga Israelinhon ang rekord sang ila pagkatawo. Apang ginhimo ini agod mapamatod-an ang edad sang mga lalaki para sa pagkasaserdote, militar, kag iban pa nga serbisyo. (Numeros 1:2, 3; 4:2, 3; 2 Hari 11:21) Apang, wala ginarekord sang Biblia ang petsa sang pagkatawo bisan sang kilala nga mga tawo, subong nanday Noe, Abraham, Moises, David—ukon si Jesucristo! “Sa pagkamatuod,” baton sang nasambit nga mga awtor, “may yara mga pagsaulog sing kaadlawan nga ginsambit sa Biblia, apang agod lamang dumdumon ang pagkatawo sang malauton nga mga heretiko subong nanday Paraon kag Herodes. Sang ginapat-od sang unang mga Cristiano ang petsa sang pagkatawo ni Cristo, madamo nga Amay sang Iglesia ang nagkabig sini subong pasipala . . . Nagsiling sila nga indi dapat saulugon ini, bangod isa ini ka wala sing katahuran nga kinabatasan sang mga pagano.”