Ambahanon 59
Nahamuot sa mga Pahanumdom Sang Dios
1. Malipayon ang masinulundon,
Nga sa Dios nagapangita,
Nagatuman sa iya nga sugo,
Kag sa sini di ’gabiya.
Sugo n’ya nahamutan nila,
Gugma n’ya ginapakilala.
Sila nalipay sa iya sugo,
Nagahulat gid sa iya.
2. Ang gugma n’ya makatilingala;
Lampas pa sa kahawaan!
Ang sugo n’ya ’gaamlig sa aton
Sa tanan nga kabutigan.
May paghidait ang ’gatuman;
Di ’gabuhin kabulahanan.
Kalipay sa Pulong n’ya ’gadugang;
Aton sia pasalamatan.
3. Ginahingyo naton kay Jehova
Nga iya Pulong mahangpan.
Pangamuyo tani pamatian
Kag kita iya amligan.
Sa iya kita magmatutom,
Ang pahanumdom n’ya tumanon.
Matarong, mahigugmaon ang Dios;
Sa tanan nagapaligon.