Ambahanon 178

Ang Nagapangibabaw nga “Paghidait Sang Dios”

(Filipos 4:7)

1. Paghidait sang Dios

Nagadula sing bugos

Kahangawa, kabalaka;

Kalinong nangabulos.

Ini ’gaamlig pa

Sa aton hunahuna,

Sa iya nian Ginharian

Kita nagahiusa.

2. Libog, kahangawa,

Kahuol ginadala.

Nagasablag, nagatublag,

Kapait ginatuga.

Kita may kalinong,

Sa Dios masinaligon.

Pagamlig n’ya, pagpalangga

Sa aton ’gapaligon.

3. Ang Dios masaligan.

Sa aton nagaaman.

Maluluyon, mahatagon,

Kita ginatuytuyan.

Daw tunog sa aga

Ang paghidait niya.

Nagalipay, ’gapatawhay.

Paguswag iya padya.