1985 Distrito nga mga Kombension
KADA tuig ang mga Saksi ni Jehova may sadsaran nga bahin sang ila pagtuluohan kag mga hilikuton nga nagaalagad subong mga tema para sa ila tuigan nga distrito nga mga kombension. Ang iban sini amo ang “Madaugon nga Pagtuo,” “Malipayon nga mga Manugpangabudlay,” “Balaan nga Gugma,” “Katutom sa Ginharian,” kag “Paghiusa sa Ginharian.” Ang tema nga ginpili para sa 1985 nga distrito nga kombension nga kinahanglanon man sa ila hilikuton, ginhingalanan “Mga Nagahupot-Integridad” nga Kombension.
Importante gid ang paghupot sing integridad! Importante gid nga ginbaton ni Jehova ang hangkat sang Yawa tuhoy sa sining hulusayon, nagasalig sing bug-os si Jehova nga sa tunga sang intelihente nga mga tinuga sa duta, may yara nagahupot sing integridad, magapamatuod kay Jehova nga matuod kag sa Yawa nga isa ka malaut, hayag nga butigon.
Ang paghupot sing integridad indi mahapos, ukon simple nga butang nga himuon. Indi ini diutay nga pagbato ukon pagbuhat sang bisan ano nga natural nga nagaabot. Nakahibalo sang kon ano ang nadalahig ginahimu ni Satanas nga Yawa ang tanan nga masarangan niya nga bungkagon sang mga alagad ni Jehova ang ila integridad. Kag indi lamang nga si Satanas kag ang iya mga demonyo nagapamatok sa aton sa aton panikasog nga huptan ang integridad kundi dapat man naton batoan ang iya malaut nga kalibutan nga nagadala sang tanan nga sahi sang pagsulay kag pag-ipit sa aton. Dugang pa, yara ang aton napanubli manubo nga mga huyog nga batoan.
Agod huptan ang integridad paagi sa madinalag-on nga pagbato sa sining tatlo ka kaaway kinahanglanon naton tanan ang bulig nga makuha naton sing posible. Ang “Mga Nagahupot-Integridad” nga Kombension gindesinyo sa paghatag sang pinakadaku posible nga bulig sa tanan nga nabalaka nga huptan ang ila integridad kay Jehova nga Dios kag sa pagpamatuod sa Yawa nga butigon. Subong sang iban pa nga mga tuig ang kombension, sa kalabanan nga pungsod, magasugod sa Huebes sang hapon kag magalawig sing apat ka adlaw. Magplano na karon nga tambongan ang tanan apat ka adlaw, kag magkadto nga handa nga makabenepisyo sing bug-os gikan sa programa subong man sa pagpakigbahin sa iban pa nga mga hilikuton sa kombension.
Lokasyon sang 1985 “Mga Nagahupot-Integridad” nga Kombension
Disiembre 19-22, 1985: Manila; Quezon City; Metro Manila; Marikina; Metro Manila
Disiembre 26-29, 1985: Ilagan, Isabela; Binalonan, Pangasinan; Vigan, Ilocos Sur; Masbate, Masbate; Puerto Princesa City; Iloilo City; Tagbilaran City; Ormoc City; Davao City; Dipolog City
Enero 2-5, 1986: Tuguegarao, Cagayan; Paniqui, Tarlac; Mangaldan, Pangasinan; Baguio City; Iriga City; Bacolod City; Cebu City; Calbayog City; General Santos City; Cagayan de Oro City; Dipolog City (CV); Dipolog City (IL); Dipolog City (TG)