Tuigan nga Miting

OKTUBRE 5, 1996

ANG TUIGAN NGA MITING sang mga katapo sang Watch Tower Bible and Tract Society of Pennsylvania pagahiwaton sa Oktubre 5, 1996 sa As­sem­bly ­Hall of Jeho­vah’s Wit­ness­es, 2932 Ken­ne­dy Bou­le­vard, Jersey City, New Jersey. Ang una nga miting sang mga katapo lamang magasugod sa alas 9:15 s.a., nga pagasundan sang pangkabilugan nga tuigan nga miting sa alas 10:00 s.a.

Dapat pahibaluon karon sang mga katapo sang Korporasyon ang Opisina sang Sekretaryo tuhoy sa pagbag-o sang ila direksion sang nagligad nga tuig agod makalab-ot sa ila sa Hulyo ang kinaandan nga mga sulat tuhoy sa pahibalo kag mga ­proxy (dokumento sa pagboto kon indi makatambong sing personal).

Ang mga proxy, nga ipadala sa mga katapo upod sa pahibalo tuhoy sa tuigan nga miting, dapat ibalik agod makalab-ot sa Opisina sang Sekretaryo sang Sosiedad nga indi maglabang sa Agosto 1. Dapat kompletuhon sang tagsa ka katapo kag ibalik dayon ang iya ­proxy, nga nagapaathag kon bala personal sia nga matambong sa miting ukon indi. Ang impormasyon nga ihatag tuhoy sa tagsa ka ­proxy dapat nga pat-od sa sini nga punto, kay amo ini ang basehan sa pagpat-od kon sin-o ang personal nga makatambong.

Ginapaabot nga ang bug-os nga sesyon, lakip ang pormal nga miting kag mga report tuhoy sa korporasyon, magahinakop sa ala 1:00 s.h. ukon indi madugay sa tapos sini. Wala sing sesyon sa hapon. Bangod sang limitado nga lugar, ang pasudlon amo lamang ang may tiket. Wala sing kahimusan nga himuon sa pag-angot sang tuigan nga miting paagi sa linya sang telepono sa iban nga mga awditoryom.