Pahanumdom Para sa Sekretaryo kag sa Manugtatap sa Pag-alagad

Ang pahibalo sa Pebrero nga guwa sang Ang Aton Ministeryo sa Ginharian kada tuig nagapangabay sa sekretaryo kag sa manugtatap sa pag-alagad nga “repasuhon ang hilikuton sang tanan nga mga regular payunir.” Ginapakita sang mga report halin sa nagalakbay nga mga manugtatap nga wala ini ginahimo sa madamong kongregasyon. Ano ang katuyuan sini nga pagrepaso? Agod hibaluon kon sin-o ang mahimo nga nagakinahanglan sing bulig sa paglab-ot sang lalab-uton nga oras antes matapos ang tuig sang pag-alagad.

Kinahanglan magahinguyang ang mga regular payunir sing 1,000 ka oras kada tuig sa ministeryo. Sa katapusan sang Pebrero, nasapwan sang pila ka payunir nga kulang sila sang lalab-uton nga oras, kag mahimo ini makapaluya sing buot. Ang mga gulang mahimo makabulig sa mga payunir, nagahatag sa ila sing praktikal nga mga panugda kon paano nila malab-ot ang ila mga lalab-uton.

Pasalamatan sang mga payunir ining sibu-sa-tion nga bulig, nga magabulig sa ila sa pagpadayon nga kalipikado sa pagpabilin sa payunir nga pag-alagad.