Maghanda Para sa Hilikuton sa Magasin sa Abril
Subong sang ginalaragway sa aton 1996 Calendar, ang Panihapon sang Ginuo pagasaulugon sini nga tuig sa Abril 2. Napalig-on sining daku nga okasyon, ang tanan dapat makigbahin sa makugi nga pagpanagtag sing magasin sa bug-os nga Abril. Suno gid sa tion nga mga magasin ang pagagamiton naton! Ang Lalantawan para sa Abril 1 magapatalupangod sang pamulongpulong publiko sa distrito nga kombension sang nagligad nga tuig, “Dayawa ang Hari sang Katubtuban!” Isunod sang Abril 15 nga Lalantawan ang tema sang pinasahi nga pamulongpulong publiko sang nagligad nga Abril, “Malapit Na ang Katapusan sang Butig nga Relihion.” Nian ang pinasahi nga pamulongpulong sini nga tuig sa Abril 21, “Pagpabilin nga Walay Kasawayan sa Tunga sang Malaut nga Kaliwatan,” dapat maghatag sing dugang nga pangpapagsik sa aton hilikuton sa Ginharian. Nian pagagamiton naton ang Abril 22 nga Awake! tuhoy sa topiko nga “When Wars Will Be No More.”
Subong kasugpon sang kampanya sa Kingdom News sang nagligad nga Abril, ini nga Abril dapat mangin isa ka talalupangdon nga bulan sa pagpanagtag sing magasin. Karon na ang tion sa paghimo sing mga plano. Madamo ang luyag mag-auxiliary payunir. Bilang pagpaabot sa sini, ang dugang nga mga kopya sang mga magasin sa Abril dapat orderon. Sarang mahimo ang mga plano para sa mga Adlaw sang Magasin, kag mahimo makapakigbahin ang tanan, sa aga, udto, kag/ukon gab-i. Dapat kita tanan mangin “mga manugtuman sang pulong.” Subong sang gintagna nahanungod sa Mesias sa Salmo 69:9, kabay nga makasiling man kita: “Ang kakugi sa imo balay naglamon sa akon.”—Santiago 1:22; Juan 2:17.