Pamangkot

◼ Ano ang himuon kon ang gintangdo nga manugpamulongpulong publiko indi makaabot sing husto sa oras para sa miting?

Kon kaisa, bangod sang dimalikawan nga mga sirkunstansia, ang isa ka utod indi makaabot sing husto sa oras sa paghatag sang iya naiskedyul nga pamulongpulong. Kon may rason sa paghunahuna nga magaabot sia sa dili madugay, ang mga gulang mahimo mamat-od nga unahon ang Pagtinuon sa Lalantawan; sundan sang Miting Publiko. Apang ano kon maathag gid nga ang humalambal indi magaabot? Ayhan mahatag sang isa sang lokal nga mga humalambal ang bisan anong pamulongpulong nga iya na nahanda.

Ang mahalungon abanse nga pagplano masunson nga nagatapna sining problema. Dapat pakig-angutan sang manughituhog sang pamulongpulong publiko ang tagsa ka humalambal sing dimagkubos isa ka semana sing abanse agod pahanumdumon sia sang iya asaynment. Lakip sa pahanumdom amo ang oras sang miting, direksion kag numero sang telepono sang Kingdom Hall, kag maathag nga direksion kon paano matultulan ang tilipunan. Dapat tandaan sing maayo sang humalambal ining mga detalye. Kon magautwas ang dimalikawan nga hitabo nga magapugong sa iya sa paghatag sang pamulongpulong, dapat niya pakig-angutan sa gilayon ang manughituhog sang pamulongpulong publiko agod makakuha sing tal-us. Dapat himuon ang tanan nga panikasog agod malikawan ang ipit na sa panahon nga kanselasyon. Kon ang humalambal maulihi sing pila ka minuto, mahimo sia makatawag sa telepono ukon indi gani makapadala sing mensahe kon posible agod mahibaluan sang mga kauturan kon ano ang himuon.

Ang apresasyon para sa mga asaynment sa pamulongpulong publiko, maayong abanse nga pagplano kag mga pahanumdom, kag mahalungon nga pag-atipan nagapat-od nga ang kongregasyon makabati sing isa ka mapuslanon nga pamulongpulong publiko kada semana.