Pamangkot

◼ Dapat bala ipakita sing dayag sa Kingdom Hall ang kompleto nga territory map sang kongregasyon?

Huo, ang kompleto nga territory map dapat kuwadruhon kag ipakita sing dayag sa dingding sa Kingdom Hall. Ang mapa indi dapat ibutang sa information board. Dapat sini ipakita ang kabug-usan nga mga dulunan sang gintangdo nga teritoryo sa kongregasyon kag ang mga dulunan sang tagsa ka indibiduwal nga teritoryo lakip ang ginhatag nga numero sa sini. Dapat ipakita ang mga dulunan sang teritoryo sang tanan nga kongregasyon nga nagagamit sing isa ka Kingdom Hall. Paagi sa pagpakita sang mga duog nga ginahiwatan sang Pagtinuon Sang Kongregasyon sa Libro sa mapa, magabulig man ini sa tanan agod matultulan ang pagtinuon sa libro nga gintangduan sa ila.

Ang pagpakita sing dayag sang amo sini nga mapa mapuslanon sa mga luyag magpili sing teritoryo malapit sa ila puluy-an. Kon kaisa mahimo ini makakinot sing tion sa mga miting para sa pag-alagad, kag nagabulig sa konduktor nga mapakadto sa gilayon ang tagsa ka grupo sang mga manugbantala sa lugar nga gintangdo sa ila nga pangabudlayan.

Ang mapa isa man ka pamatuod nga ang kongregasyon ginaorganisar sa pagbantala sing maid-id sang mensahe sang Ginharian sa gintangdo nga teritoryo sini.​—⁠Luc. 9:6.