Kon Ano ang Isiling Tuhoy sa mga Magasin

Ang Lalantawan Sept. 15

“May mga mahigugmaon sang kamatuoran sa halos tanan nga relihion. Apang, sa kabilugan daw ginabahinbahin sang mga relihion ang mga tawo. Ano ang kinahanglan agod mahiusa ang mga tawo nga bunayag sing tagipusuon? [Pagkatapos sang sabat, basaha ang Sofonias 3:9.] Ginapakita sini nga magasin kon paano ginahiusa sang ihibalo sa matuod nga Dios ang mga tawo bisan diin.”

Magmata! Okt. 8

“Ang kalabanan sa aton nagahaumhaum nga may yara pirme madamo nga makaon. Apang may mga kabalaka karon nga mahimo ginabutang sa katalagman sang siensia ang aton suplay nga pagkaon. Ginapaathag sini nga magasin ang pila sini nga kabalaka kag ang paglaum man sa Biblia para sa matuod nga solusyon sa problema.”

Ang Lalantawan Okt. 1

“Mahimo magaugyon ka nga ang pagtuo sa Dios nangin isa ka di-popular nga butang sa madamo nga tawo. Apang ngaa amo sini ang natabo? [Pagkatapos sang sabat, basaha ang Hebreo 11:1.] Ginabinagbinag sini nga magasin kon ano ang matuod nga pagtuo kag kon ngaa importante gid nga may pagtuo kita ukon wala.”

Awake! Okt. 8

“Subong sang nahibaluan mo, ang Todos Los Santos, kaangay sang Halloween, isa ka popular gid nga selebrasyon kada tuig. May kahigayunan ka na bala nga mahibaluan ang ginhalinan sining mga selebrasyon? [Pasabta sia.] Mawili ka sa pagbasa sini nga topiko.”