Bag-ong mga Korporasyon nga Gintukod

Ginreport sang Enero 15, 2001, nga guwa sang Ang Lalantawan ang tuhoy sa organisado nga paagi nga ang mga Saksi ni Jehova padayon nga nagauswag sa hilikuton sa Ginharian sa bug-os nga duta. Ginpaathag man sini kon paano ang lainlain nga legal nga mga korporasyon ginagamit subong mga instrumento agod mapadasig ang pagpalapnag sa maayong balita. Ining mga korporasyon kinahanglanon agod matuman ang mga layi sa isa ka lugar kag sa isa ka pungsod, suno sa ginapatuman sang Pulong sang Dios. (Roma 13:1) Bangod sang pagkananuhaytuhay kag kasangkaron sang aton hilikuton, gin-aprobahan sang Nagadumala nga Hubon ang pagtukod sa dugang pa nga mga korporasyon agod maatipan ang pila ka kinahanglanon sang mga Saksi ni Jehova sa Estados Unidos. Ang bag-ong mga korporasyon amo ang masunod:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Magapanghikot ini upod sa Watch Tower Bible and Tract Society of Pennsylvania kag sa Watchtower Bible and Tract Society of New York, Inc. Ginapasalamatan sing daku ang inyo kooperasyon sa sining mga pagbag-o nga ginhimo sang Nagadumala nga Hubon agod maatipan ang tanan nga pagkabutang sang Agalon.—Mat. 24:45-47.