Kon Ano ang Isiling Tuhoy sa mga Magasin

Ang Lalantawan Abr. 15

“Bisan diin sila nagapuyo, ang mga tawo sa karon interesado gid sa seguridad, subong sang pagpangita kag paghupot sing maayo nga trabaho. Apang nahunahuna mo bala kon diin magahalin ang permanente nga seguridad, inang magaamlig sa imo sa walay katubtuban? [Basaha ang Salmo 16:​8, 9.] Ining guwa sang Ang Lalantawan nagausisa kon diin masapwan ang matuod nga seguridad.”

Awake! Apr. 22

“Madamo karon ang nagabiya sa ila mga relihion agod simbahon ang Dios sa ila na lamang kaugalingon nga paagi. Ano ang masiling mo tuhoy sini? [Tuguti sia sa pagsabat.] Ginapakita sang Biblia nga importante gid sa Dios kon paano naton sia ginasimba. [Basaha ang Juan 4:​24.] Ining guwa sang Awake! nagasugid sang pinakamaayo nga paagi nga mapaayawan ang imo espirituwal nga mga kinahanglanon.”

Ang Lalantawan Mayo 1

“May kilala ka bala nga may malubha nga balatian ukon nagaantos sa isa ka kasablagan? Walay duhaduha nga nagaugyon ka nga kinahanglan gid sining mga tawo ang pagpalig-on. Apang ano ang ihambal naton para mapalig-on sila? Ang Biblia nagatanyag sing mga pulong sang paglaum. [Basaha ang Isaias 35:​5, 6.] Ginapaathag sini nga guwa sang Ang Lalantawan kon paano naton mapat-od nga matuman gid ini nga tagna.”

Magmata! Mayo 8

“Sugod pa sang nagligad nga tuig, karon pa lang natabo nga ang paghidait nabutang sa katalagman sing subong sini. Sa banta mo yara bala sa kamot sang mga panguluhan sang tawo ang pagtukod sang bug-os kalibutan nga paghidait? [Pagkatapos sia makasabat, basaha ang Isaias 2:4.] Ginapakita sining guwa sang Magmata! kon ngaa makapat-od kita nga ining bug-os kalibutan nga paghidait malapit na lang mahanabo.”