Pamangkot

◼ Ngaa kinahanglan maghalong kon nagapanaksi paagi sa sulat?

Ang pagpanaksi paagi sa sulat isa ka napamatud-an na nga epektibo nga paagi sa pagpaambit sang maayong balita. Apang, ang mga hitabo sa kalibutan sining karon lang nagpahadlok sa mga tawo sa pagbukas sang mga di-pamilyar nga mga sulat. Ang mga sobre nga naghalin sa wala makilal-an nga mga ginhalinan ukon wala sing direksion sang nagpadala masami ginasuspetsahan, ilabi na kon sinulat lamang ini sing kamot kag madamol. Masami ginabasura sang mga tagbalay ini nga sahi sang mga sulat nga wala na ginabuksan pa. Paano naton ini malikawan?

Kon posible, ang sulat kag sobre dapat namakinilya. Ang sobre dapat butangan sing ngalan sang tagbalay. Indi ini pag-ipadala sa “Occupant” lamang. Dugang pa, dapat mo pirme ibutang ang imo direksion. Kon indi maalamon nga ibutang ang imo personal nga direksion, butangi lang ini sang imo ngalan kag sang direksion sang Kingdom Hall. Indi magpadala sing sulat nga wala sing ngalan. Indi paggamita ang direksion sang sanga talatapan.​—Tan-awa ang “Pamangkot” sa Nobiembre 1996 Ang Aton Ministeryo sa Ginharian, pahina 2.

Ang dugang pa nga mga panugda masapwan sa bag-o nga libro, Magbenepisyo sa Pagpanudlo Sang Teokratikong Eskwelahan Para sa Ministeryo, pahina 71-3. Ining mga panuytoy magabulig sa aton sa paggamit sa mga sulat sing epektibo sa paglab-ot sang maayong balita sa iban.