Ginpanugda nga mga Presentasyon para sa Mangin Suod kay Jehova

◼ Samtang nagauyat sing Biblia, isiling: “Madamo nga tawo nga nagapati sa Dios ang maluyag nga mangin suod sa iya. Nahibaluan mo bala nga ginaagda kita sang Dios nga mangin suod sa Iya? [Basaha ang Santiago 4:8.] Ini nga publikasyon gindesinyo sa pagbulig sa mga tawo nga gamiton ang ila mismo Biblia agod mangin suod sa Dios.” Basaha ang parapo 1 sa pahina 16.

◼ Samtang nagauyat sing Biblia, isiling: “Bangod sang katalagman sa terorismo, madamo ang nagapalibog kon bala makabatyag pa sila sing kasiguruhan. Talupangda ining makapalig-on nga panghunahuna. [Basaha ang Salmo 46:1, 2.] Ini nga publikasyon gindesinyo sa pagbulig sa mga tawo nga mapabakod ang ila pagsalig sa Dios.” Basaha ang parapo 4 sa pahina 68 kag ang una nga dinalan sa parapo 5.

◼ Samtang nagauyat sing Biblia, isiling: “Nagadugang ang inhustisya karon. Amo gid sini ang ginalaragway diri. [Basaha ang Manugwali 8:9b.] Madamo ang nagapalibog kon bala nagaulikid gid ang Dios. [Basaha ang una nga duha ka dinalan sa parapo 4 sa pahina 119.] Ini nga kapitulo nagapaathag kon ngaa gintugutan sang Dios ang inhustisya tubtob karon.”