Kon Ano ang Isiling Tuhoy sa mga Magasin

Ang Lalantawan Abr. 15

“Sang nagligad nga mga tuig natalupangdan sang madamo nga tawo ang pagnubo sang espirituwal nga mga talaksan. Natalupangdan mo bala ini? [Tuguti nga makasabat. Dayon basaha ang Salmo 119:105.] Ang espirituwal nga mga talaksan makabulig sa mga tawo nga malikawan ang madamo nga mga tugalbong sa kabuhi. Ini nga magasin nagapakita kon diin masapwan ang matuod nga espirituwal nga mga talaksan.”

Awake! Abr. 22

“Sa madasig-sing-lakat nga kalibutan karon, madamo ang nagapalibog kon bala madasig man ang pagtubo sang kabataan. Nahunahuna mo man bala ini? [Tuguti nga makasabat. Nian basaha ang Manugwali 3:1, 4.] Ang mga bata indi dapat magdala sang mga lulan sang mga adulto. Ini nga isyu sang Awake! nagahinun-anon kon paano maamligan sang mga ginikanan ang ila kabataan tuhoy sini.”

Ang lalantawan Mayo 1

“May pila ka pamangkot nga indi masabat sang tawo. Talupangda ini nga halimbawa. [Basaha ang Job 21:7.] May pamangkot ka bala nga luyag mo ipamangkot sa Dios? [Tuguti nga makasabat.] Ini nga magasin nagapaathag kon paano ang mga tawo sa tanan nga bahin sang duta nakatigayon sing makaalayaw nga mga sabat sa tatlo ka labing importante nga pamangkot tuhoy sa kabuhi.”

Magmata! Mayo 8

“Kalabanan sa aton may kilala nga may diabetes. Daw ano kadamo ang imo nahibaluan tuhoy sa sini nga balatian? [Ipakita ang panghapin sang magasin, kag tuguti nga makasabat.] Ini nga magasin nagabinagbinag sang mga kabangdanan kag bulong sang diabetes. Ginabinagbinag man sini ang saad sang Biblia tuhoy sa isa ka permanente nga bulong sa tanan nga balatian.” Maghinakop paagi sa pagbasa sang Isaias 33:24.